08:28, 14 - ناۋرىز 2019 | GMT +6
قازاقستان پرەزيدەنتى شەيح زايد مەشىتىنە باردى
استانا. قازاقپارات - مەملەكەت باسشىسى نۇرسۇلتان نازاربايەۆ ابۋ-دابي قالاسىنداعى بىرىككەن اراب امىرلىكتەرىنىڭ كورىكتى جەرلەرىنىڭ ءبىرى - شەيح زايد مەشىتىن ارالاپ كورىپ، وسى ەلدىڭ نەگىزىن قالاۋشى ءارى تۇڭعىش پرەزيدەنتى شەيح زايد بەن سۇلتان ءال ناھاياننىڭ رۋحىنا تاعزىم ەتتى.
بۇل تۋرالى اقوردانىڭ رەسمي سايتى حابارلادى.
سونداي-اق، نۇرسۇلتان نازاربايەۆ مەشىت عيماراتىنىڭ ساۋلەت ەرەكشەلىگىمەن تانىسىپ، قۇرمەتتى قوناقتار كىتابىنا قولتاڭبا قالدىردى.
ايتا كەتەيىك، مەشىتكە ءبىر ۋاقىتتا 50 مىڭ ادام سىيادى. عيبادات ورنىنىڭ بۇرىشتارىنا بيىكتىگى 107 مەتر بولاتىن ءتورت مۇنارا ورناتىلعان. باس عيماراتتىڭ سىرتقى قاباتىن اق مارمارمەن كومكەرىلگەن 82 كۇمبەز جاۋىپ تۇر. مەشىتتىڭ ىشكى اۋماعى 17400 شارشى مەتر.