ەلباسى جۇمىس ساپارىمەن بىرىككەن اراب امىرلىكتەرىنە باردى

None
None
استانا. قازاقپارات - نۇرسۇلتان نازاربايەۆ جۇمىس ساپارى اياسىندا ابۋ-ءدابيدىڭ تاق مۇراگەرى، بىرىككەن اراب امىرلىكتەرىنىڭ قارۋلى كۇشتەرى جوعارعى باس قولباسشىسىنىڭ ورىنباسارى شەيح مۇحاممەد بەن زايد ءال ناھايانمەن كەزدەستى، دەپ حابارلايدى اقوردانىڭ باسپا ءسوز قىزمەتى.

قازاقستان پرەزيدەنتى ءداستۇرلى قوناقجايلىق كورسەتكەنى ءۇشىن تاق مۇراگەرىنە ريزاشىلىق ءبىلدىرىپ، دۇنيەجۇزىلىك ارنايى وليمپيادا ويىندارى تاياۋ شىعىس ەلدەرىنىڭ ىشىندە بىرىككەن اراب امىرلىكتەرىندە العاش رەت ءوتىپ وتىرعانىنا توقتالدى.

- بۇل ماڭىزدى سپورت شاراسى مۇمكىندىگى شەكتەۋلى سپورتشىلارعا وزدەرىنىڭ مىقتى رۋحى مەن جەڭىسكە دەگەن ەرىك-جىگەرىن تانىتۋعا جول اشادى. جارىسقا قازاقستان كومانداسى دا قاتىسادى. ەلدەرىڭىزدىڭ باسشىلىعى قازاقستان وتكىزەتىن حالىقارالىق ءىس-شارالاردىڭ بارىنە ۇنەمى قاتىسىپ كەلەدى. سوندىقتان، سىزدەرگە دوستىق قولداۋ كورسەتۋ ماقساتىمەن وسى ويىنداردىڭ سالتاناتتى اشىلۋ راسىمىنە قاتىسۋعا كەلدىم، - دەدى مەملەكەت باسشىسى.

نۇرسۇلتان نازاربايەۆ وتكەن جىل ەكى ەل اراسىنداعى ءوزارا ءتيىمدى ىنتىماقتاستىقتى نىعايتۋ ءۇشىن جەمىستى بولعانىن اتاپ ءوتتى.

Елбасы жұмыс сапарымен Ð'іріккен Араб Әмірліктеріне барды

- ءبىزدىڭ ءجيى كەزدەسۋلەرىمىز بەن باۋىرلاستىققا جانە سەنىمگە نەگىزدەلگەن تىعىز قارىم-قاتىناستارىمىز بارلىق سالالاردى جان-جاقتى دامىتۋعا تىڭ سەرپىن بەرۋدە. بىلتىر ءبىز ءوزارا ساپار جاساپ، ماڭىزدى ۋاعدالاستىقتارعا قول جەتكىزدىك. سولاردىڭ ىسكە اسىرىلۋ بارىسى تولىق كوڭىلدەن شىعادى، - دەدى قازاقستان پرەزيدەنتى.

مۇحاممەد بەن زايد ءال ناھايان بىرىككەن اراب امىرلىكتەرىنە شاقىرۋىن قابىل العانى ءۇشىن نۇرسۇلتان نازاربايەۆقا العىس ايتىپ، كونفەسسياارالىق كەلىسىم مەن الەمدە ديالوگ ورناتۋ ىسىندەگى قازاقستاننىڭ رولىنە ەرەكشە توقتالدى.

- بيىل ءبىز ەلىمىزدىڭ نەگىزىن قالاعان تۇلعانىڭ 100 جىلدىعىن سالتاناتتى تۇردە اتاپ وتتىك. ءسىز شەيح زايدتى 25 جىلدان استام ۋاقىتتان بەرى بىلەسىز. ول ءسىزدى وتە قۇرمەتتەيتىن جانە الەمدىك دەڭگەيدەگى باسشى رەتىندە تانيتىن. ءسىزدىڭ ۇلگى-ونەگەڭىز بىزگە شابىت بەرىپ، 2019-جىلدى - تولەرانتتىق جىلى دەپ جاريالادىق. سونىڭ اياسىندا امىرلىكتەر كوپ ۇلتتى، مادەنيەتارالىق جانە ءدىنارالىق ورتالىققا اينالۋدى كوزدەيدى. وسىعان بايلانىستى بيىلعى اقپان ايىندا ريم پاپاسى فرانتسيسكتىڭ بىرىككەن اراب امىرلىكتەرىنە تاريحي ساپارى بولدى، - دەدى شەيح مۇحاممەد بەن زايد ءال ناھايان.

كەزدەسۋ بارىسىندا تاراپتار حالىقارالىق كۇن تارتىبىندەگى وزەكتى پروبلەمالاردى، تۋريزم، سيفرلاندىرۋ، عارىش، كولىك، لوگيستيكا جانە اۋىل شارۋاشىلىعى سالالارىنداعى ىقپالداستىقتى تالقىلادى. سونداي-اق ءوزارا ەكونوميكالىق ىنتىماقتاستىقتى جانداندىرۋ، ينۆەستيتسيا تارتۋ جانە قازاقستان تاۋارلارىن بىرىككەن اراب امىرلىكتەرىنىڭ نارىعىنا شىعارۋ ماقساتىمەن ۇكىمەتارالىق كوميسسيانىڭ جانە ىسكەرلىك كەڭەسىنىڭ الەۋەتىن ارتتىرۋ ماسەلەلەرى قارالدى.

سوڭعى جاڭالىقتار