قازاقستاندىق ەلشى يامايكانىڭ گەنەرال- گۋبەرناتورىنا سەنىم گراموتالارىن تاپسىردى
كەلىسسوز بارىسىندا ەلدەرىمىز اراسىنداعى قارىم- قاتىناستاردىڭ قازىرگى جاعدايى مەن دامۋ پەرسپەكتيۆالارىنىڭ ماسەلەلەرى كەڭىنەن تالقىلاندى. قازاقستاندىق ديپلومات يامايكا باسشىلىعىن ەلىمىزدىڭ حالىقارالىق باستامالارىمەن تانىستىردى.
تاراپتار ەكى مەملەكەت اراسىنداعى بايلانىستاردىڭ بەلسەندىلىك دەڭگەيىنىڭ تومەن بولعانىن ەسكەرە وتىرىپ، ساۋدا- ەكونوميكالىق، تۋريزم، مادەنيەت جانە زاڭدىق سالالاردا ىنتىماقتاستىقتى ارتتىرۋ ءۇشىن كەلىسىم- شارت بازاسىن جەتىلدىرۋگە كەلىستى.
قازاقستاندىق ەلشى يامايكانىڭ گەنەرال- گۋبەرناتورىنا سەنىم گراموتالارىن تاپسىردى
ا. ەلەمەسوۆ ەلباسىنىڭ ق ر سىرتقى ىستەر مينيسترىلىگىنىڭ الدىندا قويعان ينۆەستيتسيالاردى تارتۋ، قازاقستاندىق ونىمدەردى ىلگەرىلەتۋ جانە ەكونوميكالىق ديپلوماتيانى نىعايتۋ بويىنشا ماقساتتاردى ءتۇسىندىرۋ ءۇشىن ديپلوماتيالىق اپتا شەڭبەرىندە يامايكانىڭ ۇكىمەت باسشىسى ەندريۋ حولنەسس، سىرتقى ىستەر ءمينيسترى كامينا دجونسون سميت، ۇلتتىق قاۋىپسىزدىك ءمينيسترى حوراس چانگ، يندۋستريا جانە اۋىل شارۋاشىلىق ءمينيسترى ودلي شوم، تۋريزم ءمينيسترى ەدموند بارتلەتت، قارجى ءمينيسترى نايدجەل كلارك جانە ساۋدا پالاتاسىنىڭ ءتوراعاسى لويد ديستانتپەن كەلىسسوزدەر وتكىزدى.
