تاتارستاندا قازاق كينوسىنىڭ كۇندەرى وتەدى

قازان. قازاقپارات - 15-18- ناۋرىز كۇندەرى ارالىعىندا تاتارستاننىڭ قازان قالاسىندا قازاق كينوسىنىڭ كۇندەرى وتەدى.

بۇل تۋرالى رەسەيدەگى قازاقستان ەلشىلىگىنىڭ رەسمي سايتىندا حابارلاندى.

«مير» كينوتەاترىنا كەلۋشىلەردىڭ نازارىنا التى كينوفيلم ۇسىنىلاتىن بولادى. ولار - «جۇلدىزدار توعىسقاندا»، «قازاق حاندىعى. الماس قىلىش»، «امىرە»، «ورالمان»، «تالان» جانە «اناعا اپارار جول».

«قازانداعى كورسەتىلىمنەن سوڭ قازاق كينوسىنىڭ اپتالىعى تاتارستاننىڭ اۋداندارىندا جالعاسادى. بارلىق كورسەتىلىمدەرگە كىرۋ تەگىن»، - دەلىنگەن ەلشىلىك مالىمەتىندە.