ءالي وقاپوۆ ديماش قۇدايبەرگەنگە ءوز اقىلىن ايتتى
ءانشى ونەردەگى ىنىسىنە تانىمال اندەردىڭ كاۆەرىن ورىنداي بەرمەي، اۆتورلىق حيت تۋىندىلاردى دا كوبىرەك جاساۋعا كەڭەس بەرگەن.
بۇل تۋرالى «رەۆيۋ» باعدارلاماسىندا حابارلايدى.
ءالي وقاپوۆ الەمگە قازاق اتىن تانىتىپ جاتقان تۋما تالانتتىڭ ونەرىنە قاتىستى ويىن ورتاعا سالعان. ايتۋىنشا، ديماشقا حيت ءان كەرەك.
«ديماش دەگەندە ءبىز بىرىنشىدەن ونىڭ ءوزىن، سوسىن داۋسىن كوز الدىنا الامىز. ال ديماش وسىنداي ءان دەيتىندەي بىردە-ءبىر وكىنىشكە وراي ازىرشە ءان شىقپاعان. ول ەندى اقيقات، ول - شىندىق. بىرنەشە بەينەبايانى بار ەكەنىن بىلەمىن. قانشاما كونسەرت تە بەرىپ جاتىر.
ەڭ بىرىنشىدەن، ديماش الەمدىك اندەردىڭ كاۆەرلارىن ورىنداۋدان ءوز تىڭدارماندارىن تاۋىپ العان نەمەسە جاۋلاپ العان ءانشى. مەنىڭ ويىمشا ءاربىر انشىگە حيت كەرەك»، - دەپ پىكىرىن جاسىرماي ءبىلدىردى وقاپوۆ.
ايتا كەتەيىك، جاقىندا ديماش قۇدايبەرگەننىڭ «اققۋىم» انىنە تۇسىرىلگەن سۋ جاڭا بەينەبايانى جارىققا شىققان.