استانا اكىمدىگى ناۋرىز مەيرامىنا وراي بايقاۋ جاريالادى
«استانا ناۋرىزى 2019» قالالىق بايقاۋىن ەلوردا اكىمدىگى ۇيىمداستىرىپ وتىر.
«وعان اۋداندىق اكىمدىكتەر، باسقارمالار، اكتسيونەرلىك قوعامدار، مەملەكەتتىك كوممۋنالدىق قازىنالىق كاسىپورىندار، جاۋاپكەرشىلىگى شەكتەۋلى سەرىكتەستىكتەر، قوعامدىق بىرلەستىكتەر، ساۋدا، ويىن- ساۋىق ورتالىقتارى، بيزنەس ورتالىقتارى، باق جانە الەۋمەتتىك جەلىلەردىڭ پايدالانۋشىلارى قاتىسا الادى» ، - دەلىنگەن اكىمدىكتىڭ رەسمي سايتىنداعى اقپاراتتا.
قاتىسۋشىلار كيىز ءۇيدى ۇلتتىق ناقىشتا بەزەندىرۋ، ناۋرىز مەيرامىن قارسى الۋ راسىمدەرىن كورسەتۋ (ناۋرىز جىرىن ايتۋ، سالەمدەسۋ، كورىسۋ، كەشىرىم جاساۋ، قايىرىمدىلىق كورسەتۋ) ، مەيرامعا ارنالعان باعدارلاما ۇيىمداستىرۋ، ۇلتتىق تاعامداردى ۇسىنۋ سياقتى سايىستاردا باق تالاستىراتىن بولادى.
«ولاردىڭ كيىمدەرى قازىرگى زامان تالابىنا ساي ۇلتتىق ناقىشتا، جاراسىمدى، ەتيكالىق، ەستيتيكالىق تالعامدا بولۋى كەرەك» ، - دەيدى ۇيىمداستىرۋشىلار.
ال ب ا ق وكىلدەرى مەن الەۋمەتتىك جەلىلەردىڭ پايدالانۋشىلارى ءوز ماتەريالدارى (ۇزدىك سيۋجەتتەر، باعدارلامالار، روليكتەر، ماقالالار، #استاناناۋرىزى2019 حەشتەگى بويىنشا جاريالانعان پوستتار) ارقىلى ناۋرىز مەيرامىن ناسيحاتتاۋى ءتيىس.
14-22 - ناۋرىز ارالىعىندا كونكۋرس ساراپشىلارى مەكەمەلەردى ارالاپ، جوعارىدا كورسەتىلگەن شارتتارعا سايكەس ولارعا باعا بەرەتىن بولادى. بايقاۋ قورىتىندىسى 29 - ناۋرىزدا سالتاناتتى ءىس- شارا بارىسىندا انىقتالادى. جەڭىمپازدار مەن جۇلدەگەرلەر ديپلومدارمەن، باعالى سىيلىقتارمەن ماراپاتتالادى.