قازاقستاندىق ۋنيۆەرسيتەت العاش رەت حالىقارالىق اككرەديتاتسيادان ءوتتى
باسپا ءسوز مالىمەتتەرى بويىنشا، الەمدىك تاجىريبەگە سايكەس بۇگىنگى كۇنى ۋنيۆەرسيتەتتى اكرەديتتەۋ، ونىڭ جۇمىسىنىڭ العىشارتى بولىپ سانالادى جانە حالىقارالىق اككرەديتتەۋدىڭ العاشقى ناتيجەلەرى ونىڭ وتاندىق جوعارى ءبىلىم بەرۋ جۇيەسىنە قاجەتتىلىگى مەن ماڭىزى تۋرالى ايتۋعا مۇمكىندىك بەرەدى.
2016-جىلى حالىقارالىق IT ۋنيۆەرسيتەتى ساپالى ءبىلىم بەرۋدى ۇسىنۋ ماقساتىندا ASIIN (گەرمانيا) اككرەديتتەۋ اگەنتتىگىنە ءوتىنىش بەرىپ، قازاقستان ۋنيۆەرسيتەتتەرىنىڭ تاريحىندا تۇڭعىش رەت 5 جىلدىق حالىقارالىق ينستيتۋتسيونالدىق اككرەديتاتسيانى الدى.
ايتا كەتكەن ءجون، اتالعان ۋنيۆەرسيتەت ۇجىمى ASIIN ساراپتامالىق كوميتەتى ءۇشىن ەسەپتى 2 جىل بويى دايىندادى. اككرەديتتەۋ كوميسسياسىنىڭ شەشىمى بويىنشا، ح ا ت ۋ ينستيتۋتسيونالدىق حالىقارالىق اككرەديتاتسيادان وتكەن قازاقستانداعى جالعىز ۋنيۆەرسيتەت بولدى.
ASIIN تەكسەرۋ پروتسەدۋراسىنىڭ ناتيجەلەرى ح ا ت ۋ- دىڭ ساپانى انىقتاۋ، رەسۋرستاردى باسقارۋ جانە قۇجاتتامانىڭ اشىقتىعى سياقتى سالالارى جەتىلگەن دەڭگەيدە ەكەندىگىن كورسەتتى. ۋنيۆەرسيتەتتىڭ رەكتورى دامير شىنىبەكوۆتىڭ ايتۋىنشا، ASIIN ۋنيۆەرسيتەتتەردىڭ قىزمەت ساپاسىن باعالايدى جانە ەۋروپالىق ستاندارتتار مەن كريتەريلەرگە سايكەستىكتىگىن مويىندايدى.
جالپى، بۇگىنگى تاڭدا ەلىمىزدەگى جوعارى وقۋ ورىندارىندا ءارتۇرلى، اشىق ءبىلىم بەرۋ باعدارلامالارى جاسالىپ، الەمدىك ەڭبەك نارىعىندا تۇلەكتەردىڭ باسەكەگە قابىلەتتىلىگى ارتىپ كەلەدى.
ايتا كەتەيىك، ASIIN - بۇل ۋنيۆەرسيتەتتىڭ حالىقارالىق ستاندارتتارعا سايكەستىگىن راستاۋ ءراسىمى.