ايتىسكەردىڭ كەشىنە كەلگەن بالعىنبەك اينۇر تۇرسىنبايەۆاعا كوبرا جىلانىن سىيلادى - كەسكىن
«جاسىم 14 تە.1992 -جىل! ەڭ العاش ايتىسقا قاتىسامىن دەپ كەلگەندە ايتىستىڭ ۇيىمداستىرۋشىلارى «مىنا قىز ايتىسپاق تۇگىلى دۇرىس سويلەي دە المايدى عوي» دەپ بەتىمدى قايتارىپ تاستاعان بولاتىن. سول كەزدە سەرىك قاليەۆ دەگەن اعام كەلىپ «ايتىسۋدىڭ قالاي بولاتىنىن وسى قىز سەندەرگە كورسەتەدى ءالى» دەپ مەنى قاتىستىرىپ ەدى. ودان بەرى 28 جىلعا جۋىق ۋاقىت ءوتىپتى. وسى ۋاقىتتا نە ىستەدىم، نە قويدىم؟ ! كەشەگى پلاتسكارتتىڭ ءۇشىنشى قاباتىندا جاتىپ ايتىستارعا بارىپ جۇرگەن اينۇر بۇگىن قانداي بولدى؟ ! ءبارىن سارالاپ كەلە كەش وتكىزەمىن دەپ شەشىپ، اقىرى وتكىزىپ تىندىم. الەۋمەتتىك جەلىدە ءبىر دە ءبىر نەگاتيۆ جازىلماپتى.. . سوعان قاراعاندا كوپشىلىككە ۇناعان سياقتى. العاش جەتەكتەگەن ۇستازىم سەرىك قاليەۆكە تەمىر تۇلپار مىنگىزدىم. قولداۋ كورسەتكەن بارلىق دوستارىمنىڭ انالارىنا 60 شاپان جابىلدى.. بانكەتى بار، باسقاسى بار بارلىق اۋىرتپالىقتى قاسىمداعى قۇربىلارىم كوتەرىپ الدى. ونەردەگى 8 قۇربىم شاشباۋىمدى كوتەرىپ اننەن شاشۋ شاشتى. اقىندار قاۋىمى اسەلحان قالىبەكوۆا باستاپ سوناۋ ورالدان، الماتى، قاراعاندىدان كەلىپ قولداۋ كورسەتتى! ءبىرىن ماقتاسام ەكىنشىسى قاپ كەتە مە دەپ ەشكىمدى اتامايىن دەپ شەشتىم. تالايدى كورگەن ماڭدايىم جەرگە جەتكەنشە ءيىلىپ راحمەت ايتقىم كەلەدى. اللا بارىڭىزگە ساۋاپتان جازسىن! بالعىنبەك نە سىيلايدى ەكەن دەپ 25 جىل كۇتىپ ەدىم.. ءداۋ ساندىقپەن كوتەرىپ كەلگەنگە ىشىندە ءبىر كەرەمەت شاپان نەمەسە ءبىر دومبىرا جاتقان شىعار دەپ ويلاعانمىن. سويتسەم جىلان الىپ كەلىپتى. 1 - مامىر الماتىدا ونىڭ كەشى بولادى. سول كەزدە قايتارام عوي بۇيىرسا. تىلەۋلەس اعايىنعا مىڭ دا ءبىر العىس! سىيماي قالعان حالىقتان كەشىرىم وتىنەمىن! بەرىلگەن گۇلدى تاسۋ ءۇشىن ارنايى كولىك جالداۋعا تۋرا كەلدى. كەشەدەن الىستان كەلگەن اپالاردى كۇتىپ ينستاعا دا ۋاقىت بولماي كەتتى. ءالى ءتۇس كورگەندەي حالدەمىن.. ءبىر نارسەگە كوزىم انىق جەتتى! اللا دا الاشتىڭ جۇرتى دە مەنى شەكسىز سۇيەدى ەكەن»، - دەپ جازدى اقىن جەلىدە.
جەلى قولدانۋشىلارى دا ايتىسكەردىڭ ونەرىن جوعارى باعالاپ، تابىس تىلەپ جاتىر.