ديماش «اققۋىم» ءانىنىڭ بەينەبايانىن ۇسىندى

استانا. قازاقپارات - ءانشى ديماش قۇدايبەرگەن «اققۋىم» ءانىنىڭ بەينەبايانىن جارىققا شىعاردى. بۇل تۋرالى ءانشى ينستاگرام پاراقشاسىندا جازدى، دەپ حابارلايدى قازاقپارات ءتىلشىسى.

«كوكتەمنىڭ وسى ءبىر ەڭ ادەمى كۇنى اسىل اجەلەرگە، ارداقتى انالارعا، اقجارقىن اپكەلەرگە، اياۋلى ارۋلارعا ىزگى تىلەكتەرىمدى جولدايمىن. سىزدەر باردا الەم كورىكتى، ادامزات اتاۋلى اسقاق، بۇلدىرشىندەر باقىتتى. كوڭىلدەرىڭىز كورىكتى، جۇزدەرىڭىز سۇلۋ، جۇرەكتەرىڭىز نۇرعا، ومىرلەرىڭىز ادەمى جىرعا تولسىن! وسىناۋ اتاۋلى مەرەكەدە سىزدەرگە سىيلىق رەتىندە ليريكالىق سەزىمگە تولى «اققۋىم» ءانىنىڭ بەينەبايانىن ۇسىنامىن!»، - دەپ جازدى ديماش.

 جاڭا بەينەبايان ءانشىنىڭ يۋتۋبتاعى رەسمي ارناسىندا ورنالاستىرىلعان.

اۆتور: مارلان جيەمباي