پرەزيدەنت «ايكا» فيلمىنە قاتىستى پىكىر ءبىلدىردى
«سامال ەسلياموۆا «ايكا» فيلمىنەن كەيىن كانن فەستيۆالىندە ۇزدىك ايەل ءرولى ءۇشىن جەڭىمپاز اتاندى. سول ارقىلى قازاقستاندى دا كەڭىنەن تانىتتى. ال، ەڭ باستىسى، شەتەلدەگى ميگرانتتاردىڭ ماسەلەسىن شەبەر كورسەتە ءبىلدى. قۇدايعا شۇكىر، تاۋەلسىزدىك العان 27 جىلدىڭ ىشىندە قازاقستاندىقتار باسقا مەملەكەتتەر سياقتى ەش جەردە قارا جۇمىس ىستەگەن جوق. سامال ول ادامداردىڭ قيىنشىلىقتارىن ۇلكەن تالانتپەن كورسەتتى. باسقا شىعارمالارىن اسىعا كۇتەمىز»، - دەدى ن. نازاربايەۆ.
ايتا كەتەيىك، بۇگىنگى كەزدەسۋگە سامال ەسلياموۆا دا قاتىستى. ول الداعى جوسپارلارى تۋرالى ايتىپ، شەتەلدە جۇرگەندە تۋعان جەرىنىڭ اسپانىن قاتتى ساعىناتىنىن جەتكىزدى. كەزدەسۋدەن كەيىن ءارتىس جۋرناليستەردىڭ «جۇلدىز بولعان قالاي ەكەن؟» دەگەن سۇراعىنا جاۋاپ بەردى. الداعى ۋاقىتتا ول تۇرىكتىڭ تاريحي كينوسىنا دا تۇسۋگە قارسى ەمەس.