موڭعوليادا قازاق كۇرەسىنەن ەل چەمپيوناتى وتەدى
55 كەلىدەن باستاپ 100 كەلىدەن جوعارى سالماققا دەيىن 8 سالماق دارەجەسىندە بەلدەسەتىن بالۋاندارعا بەرىلەتىن جۇلدە قورى دا قوماقتى. ناقتىراق ايتساق 6 ميلليون توگروگ (860 مىڭ تەڭگە) . باس جۇلدەگە 1 ميلليون توگروگ (150 مىڭ تەڭگە) .
«ماقساتى موڭعوليادا قازاق كۇرەسىن دامىتۋ، جاستاردى سپورتپەن شۇعىلدانۋ ۇردىسىنە تاربيەلەۋ. سونداي- اق، چەمپيون اتانعان سپورتشىلار قازاق كۇرەسىنەن وتەتىن ازيا جانە الەم چەمپيوناتتارىنا قاتىسۋعا جولداما الادى» - دەيدى حاشبااتار تساگاانبااتار
ۇلانباتىردا وتەتىن ءدۇبىرلى دودانى «Asian qazaq kuresi» فەدەراتسياسى ۇيىمداستىرىپ وتىر. ناۋرىز مەرەكەسىنە وراي وتەتىن سايىسقا قازىردىڭ وزىندە 100 گە جۋىق بالۋان قاتىسۋعا نيەت ءبىلدىرىپ وتىر.
قازاق كۇرەسىنەن موڭعوليا چەمپيوناتى العاش رەت ۇيىمداستىرىلىپ وتىر. وسىعان وراي قازاقستاندىق تورەشىلەر دە ۇلانباتىرعا باردى.
baq.kz
ەرجان جاۋباي