دارىگەرلەردىڭ جۇمىسىنا قاتىستى شاعىمداردى ونلاين رەجيمدە جولداۋعا بولادى
«استانا - ادالدىق الاڭى» جوباسى اياسىندا بارلىق قالالىق ەمحانا مەن ستاتسيونارلاردا كورسەتىلگەن مەديتسينالىق قىزمەتكە تۇرعىنداردىڭ قانشالىقتى قاناعاتتاناتىنىن انىقتاۋ جانە كەرى بايلانىستى جاقسارتۋ ماقساتىندا جاڭا جوبا قولعا الىندى»، - دەپ حابارلادى استانا قالاسى قوعامدىق دەنساۋلىق ساقتاۋ باسقارماسىنىڭ باسشىسى قامالجان نادىروۆ ءوزىنىڭ Facebook-تەگى پاراقشاسىندا.
«ەندى سىزدەر ەمحانا نەمەسە جەكەلەگەن قىزمەتكەرگە قاتىستى ءوتىنىش- تىلەكتەرىڭىزدى قالدىرا الاسىزدار. ول ءۇشىن ارنايى QR- كودتى سكانەرلەپ، سۇراققا جاۋاپ بەرۋ جەتكىلىكتى. بارلىق اقپارات قوعامدىق دەنساۋلىق ساقتاۋ باسقارماسىنىڭ احۋال ورتالىعىنا تۇسەدى. بۇل بىزگە ونلاين رەجيمدە مەديتسينالىق مەكەمەنىڭ نەمەسە جەكەلەگەن مەدقىزمەتكەردىڭ سىزگە كورسەتكەن قىزمەتى مەن سەرۆيس ساپاسىن انىقتاپ، ودان ارى جەتىلدىرۋگە كومەك بەرەدى»، - دەپ ءتۇسىندىردى ق. نادىروۆ.
قوعامدىق دەنساۋلىق ساقتاۋ باسقارما باسشىسىنىڭ ايتۋىنشا، ءوتىنىش- تىلەكتەر نەگىزىندە رەيتينگ جاسالادى.