اسقار مامين دۇنيەجۇزىلىك بانك جانە ە ق ق د ب وكىلدەرىمەن كەزدەسۋ وتكىزدى
كەزدەسۋلەر بارىسىندا حالىقارالىق قارجى ينستيتۋتتارىمەن ىنتىماقتاستىقتى ودان ءارى تەرەڭدەتۋ ماسەلەلەرى جانە قازاقستاندا تۇراقتى، تەڭگەرىلىمدى جانە ءارتاراپتاندىرىلعان ەكونوميكا قۇرۋ مەن قۇرىلىمدىق رەفورمالاردى جۇرگىزۋ ۇردىسىندەگى ءوزارا ءىس-قيمىلدىڭ پەرسپەكتيۆالى باعىتتارى تالقىلاندى.
اسقار مامين مەن اگريس پرەيمانيس جاڭارتىلاتىن ەنەرگيا كوزدەرى (ج ە ك)، ينفراقۇرىلىم مەن كولىك، قارجى سەكتورى ارقىلى ش و ب- تى قولداۋعا باسا نازار اۋدارۋمەن ەنەرگەتيكالىق سەكتورداعى ءوزارا ءىس-قيمىلدىڭ ستراتەگيالىق باعىتتارى جانە باسقا دا ماسەلەلەردى تالقىلادى. م ج ءا سالاسىنداعى، رەتتەلەتىن سەكتورلارداعى ترانسفورماتسيا جانە جەكەشەلەندىرۋ ۇردىستەرىندەگى، تاريفتىك ساياساتتاعى رەفورمالار قاراستىرىلدى.
اتو براۋنمەن ارىپتەستىكتىڭ شەكتى ستراتەگياسى مەن بىرلەسكەن ەكونوميكالىق زەرتتەۋلەر باعدارلاماسىنىڭ ىسكە اسىرىلۋ بارىسى قاراستىرىلدى. 2019-2024-جىلدارعا ارنالعان ارىپتەستىكتىڭ ەلدىك ستراتەگياسىنىڭ جوباسىنا، اتاپ ايتقاندا، ادام كاپيتالىنىڭ ساپاسىن ارتتىرۋ، جەكەمەنشىك سەكتوردى، ينۆەستيتسيالىق احۋال مەن ساۋدانى دامىتۋ، سونداي-اق كولىك ينفراقۇرىلىمى مەن وڭىرلەردى دامىتۋ ماسەلەلەرىنە ەرەكشە كوڭىل ءبولىندى.
سونىمەن قاتار ءوزارا ءىس-قيمىلدىڭ باسىمدىقتى سالالارى رەتىندە تۋريزم، ا و ك، يندۋستريالاندىرۋ، سيفرلىق يننوۆاتسيالار، كولىك-لوگيستيكا سالاسى مەن وڭىرلىك ينفراقۇرىلىمدى دامىتۋ قارالدى. سونىمەن قاتار، تاراپتار قازاقستاننىڭ 2025 -جىلعا دەيىنگى ستراتەگيالىق دامۋ ماقساتتارىنا قول جەتكىزۋگە باعىتتالعان، ۇزاق مەرزىمدى جوبالارعا باسىمدىق بەرىلگەن بىرلەسكەن ەكونوميكالىق زەرتتەۋلەر باعدارلاماسى اياسىندا ىنتىماقتاستىق باسىمدىقتارىن انىقتادى.
ە ق ق د ب- مەن ىنتىماقتاستىق جىلدارى قازاقستاندا جالپى سوماسى €7,676 ميلليارد بولاتىن 253 جوبا قارجىلاندىرىلدى. ەققدب جوبالارىنىڭ اعىمداعى قورجىنى جالپى سوماسى $2,75 ميلليارد بولاتىن 123 جوبادان تۇرادى.
دۇنيەجۇزىلىك بانكتىڭ جوبالار قورجىنى بۇگىنگى تاڭدا 22 جوبانى قامتيدى، ونىڭ ىشىندە 7 اعىمداعى جوبا (شەكتى كەلىسىمنەن تىس) جانە ارىپتەستىك تۋرالى شەكتى كەلىسىم اياسىندا 15 جوبا قامتىلعان.