كوپبالالى وتباسىلاردى قولداۋعا قوسىمشا قارجى بولىنەدى - اقمولا
«نۇر وتان» پارتياسى اقمولا وبلىستىق فيليالىنىڭ باسپا ءسوز قىزمەتىنىڭ حابارلاۋىنشا، پارتيا اكتيۆىنىڭ جينالىسىندا وبلىس اكىمى، «نۇر وتان» پارتياسى اقمولا وبلىستىق فيليالىنىڭ ءتوراعاسى مالىك مىرزالين وڭىردەگى الەۋمەتتىك جاعىنان از قامتىلعان وتباسىلارعا، ونىڭ ىشىندە كوپبالالى وتباسىلارعا كورسەتىلەتىن الەۋمەتتىك تولەمدەر تۋرالى ايتىپ بەردى.
ناقتىراق ايتساق، 13 مىڭعا بالا (12745) ىستىق تاماق، مەكتەپ فورماسى، وقۋلىق جانە كانسەلياريالىق تاۋارلارمەن قامتىلاتىن بولادى.
ىستىق تاماق ءۇشىن قاراستىرىلىپ وتىرعان 460 ميلليون تەڭگەنىڭ ۇستىنەن قوسىمشا 213 ميلليون تەڭگە بولىنەدى.
مەكتەپ فورماسى مەن كەڭسە تاۋارلارىمەن قامتاماسىز ەتۋ ءۇشىن قوسىمشا 317 ميلليون تەڭگە (جوسپارلانعان 38 ميلليون تەڭگەنىڭ ۇستىنە) بولىنەدى.
اۋدان ورتالىقتارى جانە قالالاردا 6900 بالا مەن انا قوعامدىق كولىكپەن جەڭىلدىكپەن جۇرەدى (6907 ادام-105,8 ميلليون تەڭگە).
كۇنكورىس دەڭگەيى تومەن وتباسىلارعا ءبىر رەتتىك كومەك (29698 تەڭگە) كورسەتىلەدى. 2019 -جىلى وسىنداي 1150 وتباسىنا 19 ميلليون تەڭگە قاراستىرىلىپ وتىرسا، ونىڭ ۇستىنە قوسىمشا 44 ميلليون تەڭگە بولىنەدى.
اۆتور: اسلان وسپانوۆ