ەكى كۇزەتشىگە پىشاق سالعان تۇتقىندى ۇستاۋ ءۇشىن تۇرمەگە شابۋىل جاسالدى
مۇندا تۇتقىن كۇزەتشىلەرگە پىشاق سالىپ، ارتىنشا جولىعىساتىن بولمەگە بەكىنگەن.
بۇل تۋرالى BFMTV تەلەارناسى حابارلادى.
تەلەارنانىڭ دەرەكتەرىنە قاراعاندا، وقيعا ورنىندا جارىلعان گراناتانىڭ داۋسى ەستىلىپ جاتىر.
شابۋىلعا ارنايى جاساق بريگاداسى مەن قاۋىپسىزدىك جانە جەدەل ارالاسۋ بويىنشا وڭىرلىك توپ قىزمەتكەرلەرى قاتىسۋدا.
تۇرمە عيماراتىندا بىرنەشە تىكۇشاق تۇر. ولاردىڭ ءبىرى جەدەل مەديتسينالىق كومەككە ارنالعان.
بۇدان بۇرىن 27 جاستاعى تۇتقىن ەكى باقىلاۋشىنى پىشاقتاپ، ارتىنشا سىرتتان كەلگەن جاندارمەن جولىعىسۋ بولمەسىنە تىعىلعان.
كۇزەتشىنىڭ ەكەۋى دە شۇعىل اۋرۋحاناعا جەتكىزىلدى. ولاردىڭ ومىرىنە قاۋىپ ءتونىپ تۇرعان جوق.
RTL راديوستانتسياسىنىڭ حابارلاۋىنشا، بۇل قىلمىسكەر ادام ۇرلاعانى جانە ولتىرگەنى، سونداي-اق كىسى توناعانى، تەرروريزمدى اشىق اقتاعانى ءۇشىن 30 جىلعا باس بوستاندىعىنان ايىرىلعان.
فرانسيانىڭ ادىلەت ءمينيسترى نيكول بەللۋبە بۇل كەلەڭسىز جاعدايدى لاڭكەستىك شابۋىل دەپ اتادى.