سەنات دەپۋتاتتارى شىمكەنتتە ءجۇر

None
None
شىمكەنت. قازاقپارات - ق ر پارلامەنتى سەناتىنىڭ دەپۋتاتتارى دارحان ساتىبالدى مەن نۇرلان بەكنازاروۆ شىمكەنتكە ساپارمەن كەلدى.

حالىق قالاۋلىلارى ق ر پرەزيدەنتى ن. ءا. نازاربايەۆتىڭ «نۇر وتان» پارتياسىنىڭ XVIII سەزىندەگى بەرگەن تاپسىرمالارىن جۇرتشىلىققا كەڭىنەن ناسيحاتتادى، دەپ حابارلايدى قازاقپارات ءتىلشىسى.

سەناتورلار الدىمەن ساۋلە شاعىناۋدانىنداعى 129№ مەكتەپتىڭ تىنىس-تىرشىلىگىمەن تانىستى. 2017-جىلى پايدالانۋعا بەرىلگەن وقۋ ورنىندا دەپۋتاتتار قاۋىپسىزدىك جۇيەلەرى، اسحانا، سپورت، ءماجىلىس زالىن ارالاپ كوردى. سونداي-اق، بىلىم ساپاسى، مۇعالىمدەردىڭ جالاقىسى ماسەلەلەرىنەن حاباردار بولدى.

ءوز كەزەگىندە دارحان ساتىبالدى مۇعالىمنىڭ مارتەبەسىن كوتەرۋ ءۇشىن ەڭ الدىمەن ەڭبەكاقىسىن جوعارىلاتۋ كەرەكتىگىن اتاپ ءوتتى. ۇستازداردىڭ ءرولىن، مارتەبەسىن ارتتىرۋ ءۇشىن ولار الەۋمەتتىك قورعالۋى قاجەتتىگىن جەتكىزدى. مۇنان سوڭ سەناتورلار قونايەۆ داڭعىلىنىڭ جالعاسى بويىنشا سالىنىپ جاتقان بادام وزەنىندەگى كوپىردىڭ قۇرىلىسىن ارالاپ كوردى. بۇل كۇندە قونايەۆ داڭعىلى مەن تاشكەنت باعىتىن جالعايتىن جول قۇرىلىسىنىڭ 3-كەزەڭى باستالعان. سونىڭ ءبىرى - وسى بادام وزەنىندەگى كوپىر قۇرىلىسى، ال جوبانىڭ جالپى قۇنى - 21 ميلليارد تەڭگە.

جۇرتشىلىقپەن جۇزدەسكەن حالىق قالاۋلىلارى «نۇر وتان» پارتياسىنىڭ سەزىندە، ەلباسى جولداۋىندا ايتىلعان مىندەتتەردى اتاپ ءوتىپ، قۇرىلىس بارىسى زاڭ اياسىندا ءجۇرۋى ءتيىس ەكەنىن ەسكەرتتى. سونداي-اق، قالادا قۇرىلىسى ءجۇرىپ جاتقان А 2  ەسكى اينالما جولى، قىزىلوردا باعىتىنداعى جول قۇرىلىستارىنىڭ جۇمىسىمەن تانىستى.

سوڭعى جاڭالىقتار