تۇرىك ەتنومادەني ورتالىعى استانادا قايىرىمدىلىق اكسياسىن ۇيىمداستىردى

استانا. قازاقپارات - «احىسكا» تۇرىك ەتنومادەني ورتالىعى استانا قالالىق قازاقستان حالقى اسسامبلەياسىنىڭ قولداۋىمەن زاعيپ جاندارعا ارناپ مەرەكەلىك كەش ۇيىمداستىردى، دەپ حابارلايدى قازاقپارات ەلوردا اكىمدىگىنىڭ رەسمي سايتىنا سىلەمە جاساپ.

«زاعيپ جانداردىڭ ىشكى رۋحى مىقتى بولسا، ول جاقىندارىن سەزۋگە، ىشكى جىلىلىقپەن قابىلداۋعا كومەكتەسەدى. تاعدىردىڭ باسقا سالعان سىنىنا قاراماستان كوڭىلدەرىڭىز كوتەرىڭكى، جۇزدەرىڭىزدەن جىلىلىق تايماسىن»، - دەدى «احىسكا» تۇرىك ەتنومادەني ورتالىعىنىڭ ءتوراعاسى اسكەر پيريەۆ.

ءىس-شاراعا قالالىق «قازاق زاعيپتار قوعامى» قوعامدىق بىرلەستىگىنىڭ وكىلدەرى قاتىستى. استانا قالاسىنىڭ «قازاق زاعيپتار قوعامى» قوعامدىق بىرلەستىگىنىڭ جەتەكشىسى ەرعالي بۇحاروۆتىڭ ايتۋىنشا، قازىرگى كۇندە 1-2 توپتاعى كوزى كورمەيتىن مۇگەدەكتەر ەسەبىندە 488 ادام تۇر. مەرەكەلىك شارا استانا قالاسىنىڭ دوستىق ۇيىندە ءوتتى.