مۇعالىمدەرگە اعىلشىن ءتىلىن ۇيرەتۋ كۋرستارى توقتاتىلدى - كۇلاش ءشامشيدينوۆا

استانا. قازاقپارات - مەكتەپتەردە فيزيكا، حيميا، بيولوگيا جانە ينفورماتيكا پاندەرىن اعىلشىن تىلىندە وقىتاتىن مۇعالىمدەردى كۋرستار ارقىلى دايارلاۋ توقتاتىلدى.

بۇل تۋرالى بۇگىن ۇكىمەت ۇيىندەگى باسپا ءسوز ءماسليحاتىندا ق ر ءبىلىم جانە عىلىم ءمينيسترى كۇلاش ءشامشيدينوۆا ايتتى، دەپ حابارلايدى قازاقپارات ءتىلشىسى.

ءمينيستردىڭ ايتۋىنشا، بۇگىندە ەلىمىزدىڭ مەكتەپتەرىندە فيزيكا، حيميا، بيولوگيا جانە ينفورماتيكا پاندەرىن 11 مىڭ مۇعالىم اعىلشىن تىلىندە بەرىپ وتىر. ولار الدىمەن 3-ايلىق، كەيىنەن 8-ايلىق ءتىل كۋرسىندا ءبىلىم العان.

«كەلەسى جىلدان باستاپ مۇعالىمدەردى ايلىق كۋرستان وتكىزەتىن قارجىنى پەداگوگيكالىق ۇيىمدارعا جۇمسايتىن بولامىز. ياعني، پەداگوگ مامانداردىڭ ۋنيۆەرسيتەت قابىرعاسىنان ءتىل مەڭگەرىپ شىعۋىنا باعىتتايمىز. 2016 -جىلى العاش رەت اعىلشىن تىلىندە ساباق بەرەتىن مۇعالىمدەردى دايىنداۋعا مەملەكەتتىك تاپسىرىس بەرىلدى. العاشقى 1200-گە جۋىق تۇلەك 2020 -جىلى بىتىرەدى. سوندىقتان مۇعالىمدەردى وقىتۋ كۋرستارى توقتاتىلدى»، - دەدى ول.

ونىڭ ايتۋىنشا، بالالاردى ءۇش تىلدە وقىتۋ بىرتىندەپ، مۇعالىمنىڭ جانە مەكتەپتىڭ دايىندىعىنا بايلانىستى جۇرگىزىلەدى.

«بۇل جەردە «الدىعا جان سالماي پروبلەمانى شەشەمىز»، دەپ جۇگىرىپ بارا جاتقان ەشكىم جوق. رەت-رەتىمەن جاسايمىز»، - دەدى كۇلاش ءشامشيدينوۆا.