بيىل ۇلتتىق ءبىرىڭعاي تەستىلەۋ فورماتى وزگەرە مە؟
بۇل تۋرالى ءبىلىم جانە عىلىم ءمينيسترى كۇلاش ءشامشيدينوۆا مالىمدەدى دەپ حابارلايدى Sputnik قازاقستان.
جاڭا تاعايىندالعان ءمينيستردىڭ سوزىنشە، بالالاردىڭ ودان ءارى كۇيزەلىسكە ءتۇسىرۋدىڭ قاجەتى جوق، سوندىقتان ۇلتتىق ءبىرىڭعاي تەستىلەۋدىڭ فورماتى وزگەرتىلمەيدى.
«ءبىز بۇگىن بىردەڭە وزگەرتەمىز دەپ ايتپايمىز. بالالارىمىز مەكتەپ بىتىرەدى. ەمتيحانىن تاپسىرادى. ولاردى ودان ءارى كۇيزەلىسكە ءتۇسىرۋدىڭ قاجەتى جوق.
ءبىراق وقۋشىلاردىڭ 11 جىل بويى العان ءبىلىمىن باعالاۋ ءۇشىن سۇراقتاردىڭ مازمۇنىن جەتىلدىرۋ باعىتىنداعى جۇمىستى جالعاستىرامىز»، - دەدى ۇكىمەتتە وتكەن باسپا ءسوز ءماسليحاتىندا ءسوز العان كۇلاش ءشامشيدينوۆا.
ەستەرىڭىزگە سالا كەتەيىك، جوو اقىلى بولىمىنە تۇسكىسى كەلەتىن تالاپكەر جىلىنا ءتورت رەت وتكىزىلەتىن ۇ ب ت- نىڭ كەز كەلگەنىنە قاتىسا الادى.
اقىلى بولىمدە ءبىلىم العىسى كەلەتىن وقۋشىعا قويىلاتىن باستى تالاپ - شەكتى بال جيناۋى كەرەك.