ءبىلىم جانە عىلىم ءمينيسترى مەكتەپ وقۋلىقتارىندا كەمشىلىكتەر بارىن ايتتى
«كىتاپ - بالالارعا ءبىلىم بەرۋدەگى باستى قۇرالداردىڭ ءبىرى. جاڭا ستاندارتتار بويىنشا مۇعالىمدەر، ساراپشىلار مەن اۆتورلاردى دايىنداۋ ءۇردىسى ءجۇرىپ جاتىر. اۆتورلار ءبىر كۇندە وزگەرىپ كەتە المايتىن شىعار. وزدەرىڭىز بىلەتىندەي، بەلگىلى ءبىر كەمشىلىكتەر بار. جاقىندا عانا بيىلعى رەسپۋبليكالىق كوميسسيا ءوز جۇمىسىن اياقتادى. كوميسسيا باستاۋىش مەكتەپتەردىڭ كەي وقۋلىقتارىن قايتا تۇزەتۋگە جىبەردى»، - دەدى ءبىلىم جانە عىلىم ءمينيسترى.
كۇلاش ءشامشيدينوۆا قازاقستاندىقتارعا مەكتەپ كىتاپتارىن تەكسەرۋگە قوعام بولىپ قاتىسۋعا شاقىردى.
«كىتاپ تاراتىلۋ ءۇشىن تيراجداۋعا جىبەرىلمەس بۇرىن بىلتىرعىداي قوعامدىق وقىپ تانىسۋ جۇمىسى جۇرگىزىلەدى»، - دەدى ول. جاڭا ءمينيستردىڭ ايتۋىنشا، ونىڭ باستى ماقساتى - ءبىلىم بەرۋ ساپاسىن ارتتىرۋ.
بۇل تۋرالى Tengrinews.kz سايتى حابارلايدى.