قازاقستاندا اقپاراتتىق پورتالداردىڭ كورسەتكىشتەرىن ولشەيتىن سايت جۇمىس ىستەي باستادى
وتاندىق نارىق ءۇشىن جاڭا رەسۋرس - olshem.kz سايتى دەرەكتەر اناليتيكاسى سالاسىنداعى Chartbeat اتتى وزىق كومپانيامەن بىرلەسە وتىرىپ جۇزەگە اسىرىلدى. كومپانيانىڭ قىزمەتتەرىن ا ق ش مەديا نارىعىنىڭ % 75 قولدانادى. اشىق، ايقىن ءارى كاسىبي مەديا نارىعىن قالىپتاستىرۋ ماقساتىندا جەتەكشى قازاقستاندىق ينتەرنەت- باسىلىمداردىڭ بىرلەسكەن شەشىمى رەتىندە قۇرىلعان بۇل ۆەب- سايت ءوز جۇمىسىندا ەڭ ۇزدىك حالىقارالىق ستاندارتتاردى قولداناتىن بولادى.
Chartbeat تەحنولوگيالارى وتاندىق ب ا ق- قا ءوز وقىرماندارىنىڭ شىنايى قاجەتتىلىكتەرىن ەسكەرە وتىرىپ، بيزنەس ۇدەرىستەردى ورناتۋدىڭ ارقاسىندا جارناما بەرۋشىلەردى كەڭىنەن تارتۋعا مۇمكىندىك بەرمەك. زاماناۋي قۇرالدار مەن وزىق تەحنولوگيالاردى قولدانۋ جۋرناليستيكا ساپاسىن كوتەرىپ، وتاندىق ب ا ق نارىعىنىڭ كاسىبي دەڭگەيىنىڭ وسۋىنە اكەلمەك.
«قازاقستان تاريحىندا تۇڭعىش رەت 25 وتاندىق ينتەرنەت ب ا ق وقىرماندارمەن جانە جارناما بەرۋشىلەرمەن ءوز قارىم- قاتىناسىندا ادالدىقتى ۇستاناتىندىعىن اشىق تۇردە كورسەتەتىن بولادى. Chartbeat تەحنولوگيالارىنىڭ ارقاسىندا ولار ستاتيستيكالىق كورسەتكىشتەرىن، سونىڭ ىشىندە بۇعان دەيىن بەيمالىم بولىپ كەلگەن كورسەتكىشتەردى دە جاريا ەتپەك. بۇل وقىرمانداردىڭ قاجەتتىلىكتەرىن تەرەڭىرەك ءتۇسىنىپ، اۋديتوريانى تارتۋ، قازاقستاندىقتار ءۇشىن شىنىمەن دە ماڭىزدى ءارى قاجەتتى رەپورتاجدار مەن لونگريدتەردى دايىنداۋعا باعىتتالعان كوبىرەك كونتەنتتى جاساپ شىعارۋ ءۇشىن قازاقستاندىق جۋرناليستەرگە ارنالعان بىرەگەي مۇمكىندىك»، - دەپ ءوز بويىمەن ءبولىستى Chartbeat جوباسى قامقورشىلار كەڭەسىنىڭ ءتوراعاسى ميحايل دوروفەيەۆ.
سايت قازاقستانداعى Chartbeat اپتالىعى اياسىندا ىسكە قوسىلدى. 4 - ناۋرىزدان باستاپ ءبىلىم بەرۋ باعدارلامالارى جونىندەگى اعا باسشى دجيلل نيكولسون جانە كليەنتتەرمەن جۇمىس جۇرگىزۋ جونىندەگى مەنەدجەر كارا ماككلوۋسكي الماتى جانە استانا قالالارىندا ءبىلىم بەرۋ ترەنينگتەرىنىڭ توپتاماسىن وتكىزىپ، جوبا قاتىسشىلارىنىڭ رەداكسيالارىندا بولىپ قايتادى. سونداي- اق، ساپار اياسىندا جارناما نارىعىنىڭ قاتىسۋشىلارى ءۇشىن Chartbeat سەرۆيسىنىڭ قۇرالدارىنا ارنالعان سەمينارلار جانە ق ر اقپارات جانە قوعامدىق دامۋ مينيسترلىگىمەن كەزدەسۋ وتكىزىلەدى.
«قازاقستانداعى ا ق ش ەلشىلىگى قازاقستان حالقى مەن ۇكىمەتى ءۇشىن ماڭىزدى ءبىرقاتار باستامالارعا قولداۋ كورسەتۋدى جالعاستىرىپ كەلەدى. وسىنداي باستامالاردىڭ ءبىرى - ەل ىشىندە مىقتى ءارى كاسىبي جۋرناليستيكانى ىلگەرىلەتۋ. قازاقستان ۇكىمەتى جانە قازاقستاندىق قوعام ا ق ش- تا قولدانىلاتىن يننوۆاتسيالار مەن تەحنولوگيالارعا قىزىعۋشىلىق تانىتىپ وتىر. ا ق ش باس كونسۋلى رەتىندە مەن بۇل جوبا وسى تەحنولوگيالاردىڭ كەيبىرەۋىن ەنگىزىپ، وسىلايشا قازاقستانداعى مىقتى جۋرناليستيكانى قولداۋعا ءوز ۇلەسىن قوسادى دەگەن ۇمىتتەمىن»، - دەپ اتاپ ءوتتى ا ق ش باس كونسۋلى ەريك مەيەر.
olshem.kz رەسۋرسى جارناما نارىعى مەن جوباعا قاتىساتىن پورتالداردىڭ وقىرماندار اۋديتورياسى جايلى شىنايى اقپارات الۋعا مۇمكىندىك بەرمەك. Chartbeat سەرۆيستەرىن قولداناتىن مەديا رەسۋرستار جارناما نارىعىمەن ءارى ناقتى اناليتيكامەن بولىسەتىن بولادى. ولار كونتەنت ساپاسىن جاقسارتادى. سەرۆيس قاتىسۋشىلار اراسىندا كاسىبي قاتىناستاردى قۇرۋعا كومەكتەسىپ، رەداكسيالىق ساياساتتا مەتريكالاردىڭ كەڭىنەن قولدانىلۋىنا جاعداي جاساماق.
« Chartbeat كومپانياسى قازاقستاندىق ب ا ق- قا بۇكىل الەمدەگى ەڭ ءىرى رەداكسيالاردا تابىستى تۇردە قولدانىلىپ وتىرعان دەرەكتەردى تالداۋ سالاسىنداعى وزىق تەحنولوگيالاردىڭ ارتىقشىلىقتارىن قولدانۋعا كومەكتەسە وتىرىپ، ولارمەن جۇمىس جاساۋعا مۇمكىندىك الىپ وتىر جانە بۇعان قۋانىشتى. قازىرگى تاڭدا جۋرناليستيكا ساپاسى بۇرىنعىدان اسا ۇلكەن ماڭىزعا يە، سوندىقتان وسى سەرىكتەستىك اياسىندا ءىرى نە شاعىن بولسىن، 25 باسىلىمنىڭ ءارقايسىسىنا ءوز وقىرماندارىنا ەرەكشە دەڭگەيدە اسەر ەتۋگە جانە جۇمىس ساپاسىن كوتەرۋگە كومەكتەسپەك»، - دەپ اتاپ ءوتتى دجيلل نيكولسون.
جاڭا رەسۋرس ناقتى ۋاقىت رەجىمىندە دەرەكتەر اناليتيكاسىن كەلەسى بەس باستى كورسەتكىش بويىنشا كورسەتەدى: سايتقا كىرۋشىلەر، بىرەگەي قولدانۋشىلار، گەودەرەكتەر، تراففيك كوزدەرى، 24 ساعات، 7 كۇن جانە 30 كۇن ىشىندەگى ەڭ ۇزدىك جاريالانىمدار تۋرالى اقپارات. سايتقا كىرۋشىلەرگە قاتىسۋشى پورتالدار اراسىندا ۇسىنىلعان كورسەتكىشتەر بويىنشا سالىستىرمالى اناليز جاساۋ، سونداي- اق، ءبىر اي ىشىندەگى اناليتيكانى جۇكتەپ الۋ مۇمكىندىگى قولجەتىمدى بولماق.
انىقتاما. وتكەن جىلدىڭ تامىزىندا رەداكسيالار جۇمىسىندا ونلاين مەتريكالاردى جانە ورتاق دەرەكتەر پانەلىن قولدانۋ جونىندەگى جوبا ىسكە قوسىلدى. جوبا قازاقستانداعى ا ق ش ەلشىلىگى ارقىلى يننوۆاتسيالار قورى ارقىلى قارجىلاندىرىلادى. جوباعا قاتىسۋشىلار Charbeat قىزمەتتەرىن ءبىر جىل بويى تەگىن قولدانۋعا مۇمكىندىك الىپ وتىر. بۇل - جوباعا قاتىساتىن 25 ونلاين- مەدياعا دەرەكتەردى اناليتيكا سالاسىنداعى يننوۆاتسيالىق قۇرالدارعا ءبىر جىل بويى تەگىن قول جەتكىزۋگە مۇمكىندىك بەرەتىن قازاقستانداعى تۇڭعىش ءارى جالعىز جوبا. ول قازاقستانداعى ا ق ش ەلشىلىگى ارقىلى يننوۆاتسيالار قورى ەسەبىنەن قارجىلاندىرىلىپ وتىر.
جوبا وپەراتورى - قازاقستان باسپاءسوز كلۋبى. جوبانى ايقىن ەتۋ جانە ونىڭ جۇزەگە اسىرىلۋىنا مونيتورينگ جۇرگىزۋ ماقساتىندا تاۋەلسىز قامقورشىلار كەڭەسىن قۇرۋ تۋرالى شەشىم قابىلداندى. ونىڭ قۇرامىنا ناقتى نارىقتىڭ وكىلدەرى - مەديا ساراپشىلارى جانە IT- تەحنولوگيا سالاسىنداعى ماماندار كىرىپ وتىر. جوبانىڭ ەكىنشى جىلىندا Chartbeat جوبانىڭ ءبىرىنشى جىلىنا قاتىسقان 25 ب ا ق- قا % 70 شەگەرىمدى ۇسىنادى.