ءجۇرسىن ەرمان دومبىرانى «حارام» سانايتىن اقىنداردىڭ بەتپەردەسىن اشتى
ونىڭ ايتۋىنشا، قوعامدا كەڭىنەن بەلەڭ العان ءدىني سەكتالار ايتىسقا دا كەرى اسەرىن تيگىزۋدە.
«قازاقستاندا ايتىسىپ جۇرگەن 300 دەي اقىندى بىلەمىز. سونىڭ ىشىندە ءارتۇرلى اعىمداعىلارى بار»، - دەدى ءجۇرسىن ەرمان.
ايتىس جاناشىرى ايتىستى «حارام» دەپ سانايتىنداردى ءسوز ونەرىنەن شەتتەتكەنىن جەتكىزدى.
«ايتىسقا سولاردىڭ كەسىرى ءتيدى. ولاردى ايتىستان شەتتەتتىك. سەبەبى، ءبىز ايتىستى ءدىني ساياساتتىڭ قولجاۋلىعى ەتە المايمىز. ءسويتىپ، قازىر وزدەرىنىڭ دۇرىس جولعا تۇسپەگەندەرىن سەزگەندەر ولەڭگە قايتىپ كەلىپ جاتىر»، - دەدى ول.
سونداي-اق، سوڭعى ايدا ايتىستان الىستاپ كەتكەن بالعىنبەك يماشەۆ، جانداربەك بۇلعاقوۆ، سىرىم اۋەزحان سياقتى اقىندار قاتارعا قوسىلعانىن العا تارتتى.
«مىنە، وسىنداي ۋاقىتشا جىكتەلۋ بولدى. «ونداي بولعان جوق» دەپ جاۋىردى جابا توقي المايمىن. ءبىراق «اداسقاننىڭ ايىبى جوق، قايتىپ ءۇيىرىن تاپقان سوڭ» دەگەن عوي.
بيىل سول اقىندار ۇلكەن ايتىستارعا قاتىسادى. اقىننىڭ ءسوزى - قۇدايدىڭ سىيى، حالىقتىڭ قازىناسى. ءبىز سول ءۇشىن كۇرەستىك. وڭ ناتيجەسىن بەرۋدە»، - دەپ ءسوزىن قورىتىندىلادى ءجۇرسىن ەرمان.