بەيجىڭدە عالامدىق ەلەكتر جەلىسىنە قاتىستى كەزدەسۋلەر ءوتتى

None
None
استانا. قازاقپارات - قىتاي عالامدىق ەلەكتر جەلىسىن قۇرۋ جوباسىنا قازاقستاننىڭ دا قاتىسقانىن قالايدى. بۇل جايىندا حالىقارالىق جاسىل تەحنولوگيالار جانە ينۆەستيتسيالىق جوبالار ورتالىعىنىڭ باسشىسى ءراپىل جوشىبايەۆ حابارلادى.

  قازاقستان دەلەگاتسياسى بەيجىڭدە وسى ماسەلەگە قاتىستى كەزدەسۋلەر وتكىزگەن. ولار الداعى ساۋىردە وتەتىن «ءبىر بەلدەۋ، ءبىر جول» فورۋمى قارساڭىندا ءبىرقاتار ىستەردى پىسىقتادى. قىتايدىڭ قورشاعان ورتانى قورعاۋ، ەنەرگەتيكا مينيسترلىگى وكىلدەرىمەن كەزدەسىپ، ورتاق جوبالاردى تالقىعا سالدى. سونىڭ ءبىرى قىتايدىڭ جاھان جۇرتىنا ۇسىنىپ وتىرعان State Grid جوباسى.

ونىڭ وزەگى عالامداعى بالامالى قۋات وندىرەتىن ەلەكتر جەلىلەرىن بىرىكتىرۋ. ءسويتىپ، الەم حالقىن ەنەرگيانى ۇنەمدى پايدالانۋعا ۇيرەتىپ، قورشاعان ورتانىڭ لاستانۋىن ازايتۋ. قازاقستان بۇل جوباعا ۇلكەن قىزىعۋشىلىق تانىتىپ وتىر. الداعى ۋاقىتتا قىتايدىڭ ۇسىنىسىن جان- جاقتى تالداپ، تەحنيكالىق نەگىزدەمە ازىرلەنەدى.

 ءراپىل جوشىبايەۆ، حالىقارالىق جاسىل تەحنولوگيالار جانە ينۆەستيتسيالىق جوبالار ورتالىعىنىڭ باسشىسى:

 - بۇگىن بىزگە بۇل جوبانىڭ تەحنولوگيالىق ارتىقشىلىعىن تانىستىردى. ىسكە اسىرىپ جاتقان جوبالارى وتە جاقسى. ولاردىڭ عىلىمي بازاسىمەن جانە زەرتتەۋلەرىمەن تانىسۋ ءۇشىن قازاقستانعا شاقىردىق. قىتايلىق ارىپتەستەر شىعىنى از بولاتىن ەلەكتر تاراتاتىن جوعارى ۆولتتى جەلىلەردى ۇسىنىپ وتىر. 2 مىڭ شاقىرىمعا بار- جوعى 7 پروتسەنت شىعىن كەتەدى. بۇل ەلەكتر جەلىلەرىن شالعايعا تارتۋدا وتە ءتيىمدى بولادى.

www.24.kz

سوڭعى جاڭالىقتار