الەمدە قانشا ميللياردەر بار؟
بۇعان يۋان كۋرسىنىڭ تومەندەۋى مەن قىتاي بيرجالارىنداعى كوتيروۆكالاردىڭ ءتۇسىپ كەتۋى نەگىزگى سەبەپ رەتىندە كورسەتىلۋدە.
وسىعان بايلانىستى قىتايداعى ميللياردەرلەر سانى 148 گە، گونكونگتاعى بايلاردىڭ سانى 17 گە ازايعان.
ق ح ر، تايۆان جانە گونكونگتا 2019-جىلدىڭ قاڭتار ايىنىڭ سوڭىندا 658 ميللياردەر بارلىعى انىقتالعان.
ساۋدا نارىعىنداعى قىتايدىڭ باسەكەلەسى ا ق ش- تاعى اۋقاتتى ادامداردىڭ سانى بۇدان 74 كە از. ءبىراق ا ق ش- تا بىلتىرعى جىل قورىتىندىسى بويىنشا ميللياردەرلەر سانى 13 كە ارتقان.
ال بەيجىڭدەگى ميللياردەرلەر سانى 28 گە قىسقارعانىنا قاراماي، ول الەمدەگى ەڭ كوپ بايلار تۇراتىن قالا بولىپ قالا بەرەدى.
قازىر ق ح ر استاناسىندا 103 ميللياردەر بولسا، نيۋ-يوركتا - 92 قالتاسى قالىڭ ادام ءومىر سۇرەدى.
الەم حالقىنىڭ 27 پايىزىن قۇرايتىن ق ح ر- داعى ميللياردەرلەر بيرجاداعى كەلەڭسىزدىككە بايلانىستى ازايىپ تۇر، ەگەر بيرجا نارىعى قايتا وڭالاتىن بولسا، قىتاي بايلارى كۇرت وسەيىن دەپ تۇر.
الەم بويىنشا 716 قىتاي ۇلتىنا جاتاتىن ميللياردەر بار ەكەن. ونىڭ تەك 33 ءى عانا ق ح ر ازاماتى ەمەس. 21 ءى سينگاپۋردا، 12 ءسى ا ق ش- تا ءومىر سۇرەدى. جالپى العاندا قازىر، جەر بەتىندە 2470 ميللياردەر ادام بار.
Massaget.kz