ەلىمىزدە سپورت كوممەنتاتورلارىنا كاستينگ جاريالانادى
بۇل تۋرالى قازاقپارات تەلەارنانىڭ باسپا ءسوز قىزمەتىنە سىلتەمە جاساپ حابارلايدى.
ىرىكتەۋ شارالارى 15-16 - ناۋرىز كۇندەرى وتكىزىلەدى. كاستينگتىڭ ماقساتى - تەلەارنا كوممەنتاتورلارىنىڭ قاتارىن جاڭا ەسىمدەرمەن تولىقتىرۋ. وتكەن جىلدارداعى كاستينگتەر بارىسىندا 500-دەن اسا ۇمىتكەر تىڭدالىپ، وزىپ شىققان 46 كوممەنتاتور قازىر تەلەارنادا جەمىستى ەڭبەك ەتۋدە.
ناۋرىز ايىندا وتەتىن 2019 - جىلدىڭ العاشقى كاستينگىندە ىرىكتەلەتىن كوممەنتاتورلار فۋتبول، باسكەتبول، حوككەي، بوكس، ۆولەيبول، ۇلتتىق سپورت جانە باسقا دا ارنانىڭ نەگىزىن قۇرايتىن سپورت تۇرلەرىن جەتىك مەڭگەرگەن امبەباپ؛ جەكەلەگەن سپورت تۇرلەرىن زەرتتەپ جۇرگەن؛ قازاق نەمەسە ورىس تىلدەرىندە ويىن ەركىن جەتكىزە الاتىن؛ جاسى 21-گە تولعان قازاقستان رەسپۋبليكاسىنىڭ ازاماتتارى اراسىنان تاڭدالادى.
كاستينگ 2019 -جىلى 15-16- ناۋرىز كۇندەرى استانا قالاسى، ماسكەۋ كوشەسى 33ا، «QAZSPORT» تەلەارناسىنىڭ عيماراتىندا وتەدى.
ۇمىتكەرلەردىڭ رەزيۋمەلەرى 2019 -جىلدىڭ 12 - ناۋرىزى كۇنى كەشكى ساعات 20:00 - گە دەيىن [email protected] ەل. پوشتاسى ارقىلى قابىلدانادى. ىرىكتەۋگە كورپوراتيۆتى ەلەكتروندى پوشتا نەمەسە وزگە ادامداردىڭ اتىنان جىبەرىلگەن رەزيۋمە يەلەرى جىبەرىلمەيدى. «QAZSPORT» تەلەارناسى كاستينگكە قاتىسۋعا ءۇمىتتى ازاماتتاردان ءوز ۋاقىتتارىن ۇنەمدەۋ ءۇشىن تىڭعىلىقتى دايىندالىپ، ىرىكتەۋ جۇمىسىنا جاۋاپكەرشىلىكپەن قاراۋدى سۇرايدى.