ديماش قۇدايبەرگەن رەسەيگە شاقىرتۋ الدى
ءوزىنىڭ Instagram پاراقشاسىندا قازاق ءانشىسى رەسەيگە شاقىرىلعانىن راستاپ، «رەسەي مەملەكەتىنىڭ «مۋز ت ۆ» جۇلدەسىندە كەزدەسكەنشە» دەپ جازدى.
«جاس ءانشى ءوزىنىڭ بىرەگەي داۋسىمەن الەمگە تانىلدى. ونى ءبارى دە ايگىلى وپەرا ءانشىسى بولادى دەگەنىمەن، ديماش تانىمال مۋزىكا جولىن تاڭدادى. ونىڭ رەپەرتۋارىندا ءارتۇرلى جانرداعى ءار ءتۇرلى تىلدەگى اندەر بار. مۋزىكا سىنشىلارى ءبىراۋىزدان مۇنداي داۋىسى بار ادامدار سيرەك تۋاتىنىن ايتىپ جاتىر. جاس ءانشى ەڭبەكقور ءارى جىگەرلى بولعاندىقتان، ول ءبىر كۇنى ناعىز سەنساتسيا بولارى انىق. 7-ماۋسىمدا «مۋز- ت ۆ 2019 سىيلىعىنىڭ» 17- سالتاناتىندا ءارتىس بۇل ءسوزىمىزدى دالەلدەرى انىق»، - دەيدى «مۋز-ت ۆ» اتقارۋشى ديرەكتورى ارمان داۋلەتيروۆ ماسكەۋدەگى باسپا سوزگە ارنالعان جيىندا.
ەسكە سالا كەتسەك، امەريكانىڭ The World's Вest بايقاۋىندا قازاقستاننىڭ اتىنان ونەر كورسەتىپ جاتقان ديماش قۇدايبەرگەن مەن دانەليا تولەشوۆا جاقىندا تاعى دا امەريكالىقتاردى تاڭ قالدىرعان بولاتىن.
ال جاقىندا ديماش 8- ناۋرىزعا توسىن سىي دايىنداپ جاتقانىن جاريا ەتىپ، «اققۋىم» انىنە جازىلعان كليپىنىڭ تيزەرىمەن تانىستىرعان ەدى.