ماحاببات نەدەن قورقادى؟

None
None
استانا. قازاقپارات - ەكى جاستى ماحابباتتىڭ قۇدىرەت كۇشى الديلەۋى ءۇشىن ماحابباتقا دا كۇش كەرەك.

بۇل كۇشتى قايراۋ ءۇشىن، سەزىمگە سەلكەۋ تۇسىرمەۋ ءۇشىن عاشىقتارعا مىناداي كەڭەستەر ۇسىنامىز. ماحابباتتىڭ نەدەن قورقاتىنىن بىلەسىز بە؟

1. وزىنە دەگەن سەنىمسىزدىك پەن ءوزىن-ءوزى دۇرىس باعالاماۋ

ءوزىن وتە تومەن باعالاعان ادامنىڭ بويىندا قىزعانىش پەن اشۋ باسىم بولادى. بۇل بەلگى اسىرەسە، قىزداردا كوپ كەزدەسەدى. «مەن تولىقپىن»، «مەنىڭ ءوڭىم قارا» دەپ ءوز-وزىنە كوڭىلى تولماي جاتادى. مۇنداي ويدان ارىلا الماي جۇرگەندەردىڭ جىگىتى بىرەۋگە كوز تىگە قالسا، «ول مەنەن ارتىق، ول مەنەن ادەمىرەك» دەگەن پىكىر ميىن جاۋلاپ الادى. مۇنىڭ ارتى ۇلكەن داۋعا ۇلاسۋى مۇمكىن. ادام -  ينديۆيد. بۇل بەلگىنى جەڭۋ ءۇشىن ءوز- ءوزىن جەڭە ءبىلۋى كەرەك. سىڭارىڭىز ءسىزدى تاڭدادى، ءسىز وزگەلەردەن ەرەكسىز. وزگەلەرگە بول ءوزىڭىزدى ۇلى سەزىمىڭىزگە سەلكەۋ تۇسىرمەڭىز.

2. ءوز-ءوزىن قۇرمەتتەمەۋ

ءوزىڭدى سىيلاماي، وزگەنى سىيلاي المايسىز. ماحابباتتا دا سولاي. ءوزىڭىزدى جاقسى كورە المايتىن ادام وزگەنى دە جاقسى كورۋى نەعايبىل. دەمەك، عاشىق جاننىڭ ساناسىندا «جاقسى كورمەۋ» دەگەن تۇسىنىك بولماۋى ءتيىس. ءوزىن قۇرمەتتەۋ دەگەن ءوزىن وزگەلەردەن بيىك قويۋ دەگەن ءسوز ەمەس، ونى تاكاپپارلىقتان اجىراتا بىلگەن ادام «كەمەل ادامنىڭ» ءبىرى بولۋى مۇمكىن. ماحاببات قۇرمەت، سىيلاستىق بولماعان جەردە ءومىر سۇرە المايدى.

3. ماحابباتتىڭ سوڭىن كۇتۋ نەمەسە قورقىنىش

ىدىس-اياق سىلدىرلاعان كەزدە، ءبىر- بىرىڭىزگە قاتتى ءسوز ايتىپ، جۇرەكتەرىڭىزدى دەرتكە شالدىقتىراسىزدار. سوندىقتان، بارلىق جاعدايدى سالقىنقاندىلىقپەن قابىلداعان دۇرىس. اسىرەسە، ۇرىس پەن تالاستىڭ سوڭى ءتاتتى بولمايدى. بارىنە سابىرلىقپەن قاراپ، ماحابباتتىڭ وتىن سوندارمەۋگە تىرىسۋ كەرەك. ماحاببات «ەندى بىرنارسە ايتسا، كەتەم، ەندى بىلاي دەسە، بولدى، بىتەدى ءبارى» دەگەن ويلاردان قورقادى. سول سەبەپتى، ماحابباتتىڭ سوڭىن ىزدەپ كەرەك ەمەس. بۇل ۇعىم شىن عاشىقتار ءۇشىن ماڭىزدى ەمەس.

4. كەڭىستىكتى ساقتاماۋ

ەگەر ءسىز سىڭارىڭىزدى ءوز مەنشىگىڭىز رەتىندە كورسەڭىز، قاتەلەسىز. ءار ادامنىڭ ءوز كەڭىستىگى بولادى. ءوز كەڭىستىگىنە بىرەۋدىڭ كەدەرگى كەلتىرگەنىن قالامايتىن جاندار بولادى. ولاردىڭ سومكەسىن نە قالتاسىن سۇراۋسىز قاراۋعا بولمايدى. كەڭىستىكتى ساقتاي ءبىلۋ كەرەك.

 

دەرەككوز: Reactor

سوڭعى جاڭالىقتار