17:03, 04 - ناۋرىز 2019 | GMT +6
كاسىپقوي بوكس: قازاقستاندىق قارسىلاسىن نوكاۋتقا جىبەردى
استانا. قازاقپارات - قازاقستاندىق كاسىپقوي يليا وچكين كاسىپقوي رينگتەگى بەسىنشى كەزدەسۋىن جەڭىسپەن اياقتادى، دەەپ حابارلايدى قازاقپارات قازاقستان كاسىپقوي بوكسى فەدەراتسياسىنىڭ باسپا ءسوز قىزمەتىنە سىلتەمە جاساپ.
وتكەن سەنبى كۇنى رەسەيدە وتكەن كاسىپقوي بوكس كەشىندە قازاقستاندىق يليا وچكين دە كەزەكتى كەزدەسۋىن وتكىزدى.
ءبىرىنشى ورتا سالماقتاعى ايقاستا قازاقستاندىق بوكسشى وزبەكستاندىق حۋسان يۋلداشيەۆپەن قولعاپ ءتۇيىستىردى. التى راۋندقا جوسپارلانعان كەزدەسۋ ءۇشىنشى راۋندتا تەحنيكالىق نوكاۋتپەن اياقتالىپ، وتانداسىمىزدىڭ مەرەيى ۇستەم بولدى.
قازاقستاندىق كاسىپقوي بوكسشى وسىلايشا ءتورتىنشى جەڭىسىنە قول جەتكىزىپ وتىر. كاسىپقوي بوكستاعى بەس كەزدەسۋدىڭ بىرىندە وتانداسىمىز جەڭىلىپ قالعان ەدى.