فۋتبول ەرەجەلەرى وزگەرەدى
ولار ۇيىمنىڭ رەسمي سايتىندا جاريالاندى. ءبىرىنشى وزگەرىس قولدىڭ دوپقا تيۋىنە قاتىستى. ەگەر گول سوققان فۋتبولشى كەم دەگەندە بىلمەستىكتەن قولمەن ويناسا، وندا بۇل ەرەجەلەردى بۇزۋ بولىپ سانالادى.
ەكىنشىدەن، الماستىرىلعان ويىنشى جاقىن بۇرىشتاعى سىزىق ارقىلى الاڭنان شىعۋى كەرەك. قازىرگى ۋاقىتتا فۋتبولشىلار تەك قوسالقى ويىنشىلار وتىراتىن ورىن جاققا قاراي الماستىرۋعا شىعادى. ۇشىنشىدەن، شابۋىلشى كوماندانىڭ فۋتبولشىلارىنا ايىپ سوققىسىن ورىنداۋ كەزىندە قورعانۋشى كوماندانىڭ قابىرعاسىنا تۇرۋعا تىيىم سالىنادى.
بۇل رەتتە ولار ءوز قابىرعاسىن تۇرعىزا الادى. تورتىنشىدەن، 11 مەترلىك ايىپ دوبىن ورىنداۋعا قاتىستى. ەندىگىدە قاقپاشى قاقپانىڭ سىزىعىنا تەك ءبىر اياقپەن عانا تيەدى. سونداي-اق، سارى جانە قىزىل قاعازدار ەندى جاتتىقتىرۋشىلارعا دا جارامسىز مىنەز-قۇلىق جانە باسقا دا ەرەجە بۇزۋ ءۇشىن بەرىلەدى. ال دوپ تورەشىگە تيگەننەن كەيىن داۋلى دوپ تاعايىندالادى. وزگەرىستەر 2019 -جىلى جازدا كۇشىنە ەنەدى.
Kaz.tengrinews.kz