قازاقستاندىقتاردىڭ ارمانىنداعى جالاقى مولشەرى قانداي؟
2019-جىلدىڭ قاڭتار-اقپان ايلارىنداعى ەڭبەك نارىعىنداعى ۇسىنىس پەن سۇرانىس تەندەنتسيالارىن تالداۋعا سۇيەنسەك، ساۋالناماعا قازاقستاننىڭ بارلىق وڭىرىنەن 8243 ادام قاتىسقان. نەگىزىنەن 26-35 جاس ارالىعىنداعى قاتىسۋشىلار بەلسەندى بولعان. ولار جالپى قاتىسۋشىلاردىڭ %39 قۇرايدى.
بۇدان تىس، رەسپوندەنتتەردىڭ %85 بيىل جاڭا جۇمىس ىزدەمەك.
نەلىكتەن جۇمىسىڭىزدى الماستىرعىڭىز كەلەدى دەگەن سۇراققا بەرىلگەن باستى جاۋاپ - جوعارى جالاقى بولدى.
«2019-جىلدىڭ قاڭتار-اقپان ايلارىندا جۇمىس ىزدەۋشىلەر قالايتىن جالاقى دياپازونى نەگىزىنەن 114400 تەڭگەدەن 171600 تەڭگە ارالىعىندا بولدى. ەكىنشى ورىندا - 85-114 مىڭ تەڭگەنىڭ دياپازونى»، - دەيدى كومپانيانىڭ ماركەتينگ جانە PR ءبولىمىنىڭ مەنەدجەرى دانا قاسىموۆا.
جىل باسىنان ساتۋشى، ەسەپشى، باسقارۋداعى ەسەپ، قارجى، اكىمشىلىك قىزمەتكەرلەرى، ءوندىرىس، اقپارات تەحنولوگيالارى، ينتەرنەت، تەلەكوم، كولىك، بانك قىزمەتكەرى، ينۆەستيتسيالار، ليزينگ، قۇرىلىس، توپ-مەنەدجمەنت سياقتى جۇمىستارعا سۇرانىس جوعارى بولعان.