قازاقستان اۋعانستانداعى تەمىرجول قۇرىلىسىنا ۇلەسىن قوسادى

استانا. قازاقپارات - ق ر سىرتقى ىستەر مينيسترلىگى اۋعانستانمەن اراداعى ەكونوميكالىق ىنتىماقتاستىق تۋرالۋ باياندادى، دەپ حابارلايدى قازاقپارات ءتىلشىسى.

«اۋعانستاندا ءتيىستى قۇرىلىس جۇمىستارى ءجۇرىپ جاتىر، ياعني كولىكتىك- ينفراقۇرىلىمدىق جەلىلەردى جاڭعىرتۋ شارالارى قولعا الىندى. قازىرگى كەزدە «سولتۇستىك- وڭتۇستىك» تەمىرجولىنىڭ قۇرىلىسى ءجۇرىپ جاتىر. «Integra» اتتى قازاقستاندىق كومپانيا 43 شاقىرىمدىق ۋچاسكەگە تەندەردى جەڭىپ الدى»، - دەدى بەيبىت اتامقۇلوۆ پارلامەنت ماجىلىسىندەگى ۇكىمەت ساعاتىندا.

ونىڭ سوزىنە قاراعاندا، اقتوبە رەلس- ارقالىق زاۋىتى اتالعان تەمىرجول جەلىسىن سالۋ ءۇشىن اۋعانستانعا 350 مىڭ توننا رەلس جەتكىزۋ كونكۋرسىن جەڭدى.

 سونىمەن قاتار ب. اتامقۇلوۆ اۋعانستانعا جەتكىزىلەتىن استىقتىق باسىم بولىگى قازاقستاننىڭ ونىمىنە تيەسىلى ەكەنىن اتاپ ءوتتى.

 «تاعى ءبىر ماڭىزدى باعىت اۋعانستانداعى مامانداردى وقىتۋعا بايلانىستى. سونىمەن بىرگە، ءبىز قاتىساتىن كەلەسى باعدارلاما - ول ە و- نىڭ گۋمانيتارلىق باعدارلاماسى. وندا وسى ەلدەگى ايەلدەرگە ارنالعان ءبىلىم بەرۋ شارالارى قامتىلادى. بۇل باعدارلامانى وزبەكستانمەن بىرلەسە ىسكە اسىرماقپىز»، - دەدى ول.

اۆتور: رۋسلان عابباسوۆ