10:04, 04 - ناۋرىز 2019 | GMT +6
بەلارۋس پرەزيدەنتى رەسەيمەن ورتاق ۆاليۋتا قۇرۋعا قارسى ەمەس
استانا. قازاقپارات - الەكساندر لۋكاشەنكو مينسكتە وتكەن جۋرناليستەرمەن كەزدەسۋىندە وسىنداي مالىمدەمە جاسادى. باستى تالابى - ۆاليۋتا ەكى ەلگە دە ورتاق بولۋى ءتيىس.
بۇل ماسەلەنى قوس مەملەكەتتىڭ ساراپشىلارى 90-جىلدارى دا تالقىلاعان، ءبىراق سول كەزدە ناقتى ءىس- قيمىل بولعان جوق.
قارجىگەرلەردىڭ ايتۋىنشا، ورتاق ۆاليۋتا جاساۋ ءۇشىن قۇقىقتىق راسىمدەر مەن رەتتەۋگە قاتىستى كوپ ەڭبەك اتقارۋ قاجەت. بۇل جۇمىس بىرنەشە جىلعا جالعاسۋى مۇمكىن. وسى تۇرعىدا باستى ماسەلە ەميسسيا ورتالىعىنىڭ ورنالاسۋ جەرى بولعان. بەلارۋس پرەزيدەنتى ونىڭ رەسەيدە، ماسەلەن، سانكت- پەتەربۋرگتە بولۋىنا قارسى ەمەس.
الەكساندر لۋكاشەنكو، بەلارۋس پرەزيدەنتى:
- بۇگىندە بىزگە ورتاق ۆاليۋتا قۇرۋدى ۇسىنىپ وتىر. وعان قارسى ەمەسپىز. ولاي بولسا، بۇل رەسەيلىك تە ەمەس، بەلارۋستىك تە ەمەس، ءبىزدىڭ ورتاق رۋبلىمىز بولادى.