USD 436.29 EUR 492.83
RUB 5.92 CNY 68.48
جاڭالىقتار

كلاسسيكالىق شاحماتتان الەم چەمپيوناتى قازاقستاندا تۇڭعىش رەت وتەدى

4 ناۋرىز 10:43
:ءبولىسۋ
كلاسسيكالىق شاحماتتان الەم چەمپيوناتى قازاقستاندا تۇڭعىش رەت وتەدى

استانا. قازاقپارات - كلاسسيكالىق شاحماتتان الەم چەمپيوناتى تۇڭعىش رەت قازاقستاندا وتەدى.

بۇل جايىندا ق ر مادەنيەت جانە سپورت ءمينيسترى ارىستانبەك مۇحامەدي ۇلى فەيسبۋكتەگى پاراقشاسىندا جازدى، دەپ حابارلايدى قازاقپارات ءتىلشىسى.

«كلاسسيكالىق شاحماتتان الەم چەمپيوناتى تۇڭعىش رەت ەلىمىزدە وتەدى! بۇل - قازاقستاندىق شاحمات مەكتەبىنىڭ دامۋ جولىنداعى تاريحي كەزەڭ! ءبىزدىڭ شاحماتشىلارىمىز ءۇشىن وتە ماڭىزدى وقيعا! چەمپيوناتتىڭ قازاقستاندا بولاتىنىنا بۇكىل الەم قىزىعا قاراپ وتىر. وسى سايىستىڭ وتۋىنە ERG كومپانيالارى توبى ۇلەس قوسىپ، قولداۋ كورسەتتى»، - دەپ جازدى ول.

ءمينيستردىڭ دەرەگىنشە، 5-14- ناۋرىز ارالىعىندا (10- ناۋرىز دەمالىس كۇنى) ا ح ق و عيماراتىندا (استانا، ماڭگىلىك ەل، 55/18، س-3.3 پاۆيلونى) چەمپيوناتتىڭ بارلىق 9 تۋرى (كۇنىنە ءبىر تۋر) ۇيىمداستىرىلادى. تۋرنيرلەردىڭ ءبارى ساعات 15:00 دە باستالادى. تەك سوڭعى، توعىزىنشى تۋر ساعات 12:00 وتەدى.

تۋرنيرگە ازەربايجان، ارمەنيا، ۇلى بريتانيا، ۆەنگريا، گرۋزيا، ەگيپەت، ءۇندىستان، يران، قىتاي، ا ق ش، رەسەي، ۋكراينا، شۆەتسيا جانە قازاقستاننان 20 قۇراما - 10 ايەلدەر، 10 ەرلەر كوماندالارى قاتىسادى. الەم چەمپيوندارى، FIDE 2018 وليمپياداسى ناتيجەسى بويىنشا رەيتينگى جوعارى 6 كوماندا كەلەدى. قابىلدايتىن فەدەراتسيادان ەكى كوماندا، FIDE پرەزيدەنتى تاعايىنداعان ەكى كوماندا چەمپيوناتتا ونەر كورسەتەدى.

«وسى كەرەمەت ويىندى جاقسى كورەتىندەردى ءبىزدىڭ قۇرامانىڭ جانكۇيەرى بولۋعا شاقىرامىز! كىرۋ تەگىن! بارشاڭىزدى كۇتەمىز!»، - دەپ جازادى ارىستانبەك مۇحامەدي ۇلى.


:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات