نورۆەگيالىق ساياحاتشى بالقاشتى شاڭعىمەن كەسىپ ءوتىپ كەلەدى

None
None
استانا. قازاقپارات - نورۆەگيالىق زەرتتەۋشى ءارى ساياحاتشى ۋيليام بيحولت شاڭعىمەن بالقاشتى باعىندىرىپ كەلەدى، دەپ حابارلايدى قازاقپارات ءتىلشىسى.

ەستەرىڭىزگە سالا كەتسەك، وتكەن ايدا قازاق گەوگرافيالىق قوعامى نورۆەگيالىق زەرتتەۋشى ءارى ساياحاتشى ۋيليام بيحولت شاڭعىمەن بالقاشتى كەسىپ ءوتۋدى شەشكەنىن وسى ۋاقىتقا دەيىن حابارلاعان بولاتىن. نورۆەگيالىق كول بەتىمەن 570 شاقىرىمدى ەكسپەديتسيا بارىسىندا ءوزى جالعىز باعىندىرماق. ساپار قازاق گەوگرافيالىق قوعامىنىڭ دەمەۋىمەن وتكىزىلىپ جاتىر.

بۇگىن ۋيليام بيحولتتىڭ ساپارى قالاي ءوتىپ جاتقانى حابارلاندى.



«بۇل وتە قىسقا ءتۇن بولدى. مەن جوسپارىما قايتا-قايتا ورالا بەردىم. «بىردەڭەنى ۇمىتىپ كەتكەن جوقپىن با؟ ەسكەرمەگەن نە قالدى؟» دەپ ءوز-وزىمنەن سۇراي بەردىم. كوڭىلىم الاي-دۇلەي بولعاننان تەك تۇنگى ساعات بىردە عانا ۇيقىعا كەتتىم. قازىر تاڭعى ساعات ءتورت بولسا دا، ءوزىمدى جاقسى سەزىنىپ تۇرمىن. كۇندەلىكتى جۇمىستى اتقارىپ، ءوزىم جالعىز قالعاندا عانا دەمالىپ، العاشقى ءتۇنى 8-9 ساعات ۇيىقتاپ الارمىن»، - دەلىنگەن جازبادا.

قازاق گەوگرافيالىق قوعامىنىڭ حابارلاۋىنشا، ۋيليام بيحولت تاۋەلسىز قازاقستاننىڭ تاريحىندا العاش رەت جالعىز ءوزى بالقاشتى شاڭعىمەن كەسىپ وتكەن ادام بولماق. بۇل باعىت كولدەنەڭ جاتقان بالقاشتىڭ 570 شاقىرىمنان استام بولىگىن قامتيدى.



«جوسپارعا ساي، ۋيليام ۇيقىسىن قاندىرىپ، قازىر قار قالىڭ بولعاندىقتان، باياۋ كەلە جاتىر. جولدا ەشبىر قيىندىق جوق. اۋا-رايى دا تاماشا، جەل جىلدامدىعىنىڭ ەكپىنى ساعاتىنا كەيدە 30 شاقىرىمعا دەيىن ۇدەسە دە، قالىپتى دەڭگەيدە ساعاتىنا 10 شاقىرىمنان باستاپ 20 شاقىرىمعا دەيىن جەتەدى. ءبىز ونىڭ ءجۇرىپ تۇرۋىن InReach ترەكەرى ارقىلى باقىلاپ وتىرمىز. ۋيليامنىڭ ەكسپەديتسياسى ءساتتى اياقتالاتىنىنا سەنەمىز!»، - دەلىنگەن حابارلامادا.

سوڭعى جاڭالىقتار