استانا ماڭىنداعى اۋىلدارعا قاتىنايتىن اۆتوبۋستار قوزعالىسى توقتاتىلدى

استانا. قازاقپارات - قولايسىز اۋا رايىنا بايلانىستى (بوران، كوكتايعاق) استانا ماڭىنداعى اۋىلدارعا قاتىنايتىن ەكسپرەسس اۆتوبۋس باعدارلارى ۋاقىتشا توقتاتىلدى، دەپ حابارلايدى قازاقپارات تەلەگرامداعى Smart Astana پاراقشاسىنا سىلتەمە جاساپ.

«استانا- پاۆلودار»، «استانا-قوستاناي» باعىتىنداعى جولدىڭ جابىلۋىنا بايلانىستى قالا ماڭىنا قاتىنايتىن 306، 307، 310، 311، 317، 319- اۆتوبۋستاردىڭ قوزعالىسى ۋاقىتشا توقتاتىلدى.

سونىمەن قاتار، «استانا-قاراعاندى» باعىتىنداعى جولدىڭ جابىلۋىنا بايلانىستى قالاماڭىنداعى اۋىلدارعا قاتىنايتىن  313، 315، 316، 318- اۆتوبۋس باعدارلارى دا توقتاتىلدى.

اۆتوبۋستاردىڭ جۇرۋىنە قاتىستى اقپارات قوسىمشا حابارلانادى. مالىمەتتەردى استانا LRT كومپانياسىنىڭ فەيسبۋكتەگى جانە ينستاگرامداعى پاراقشاسىنان، alrt.kz سايتىنان بىلۋگە بولادى.

ەسكە سالا كەتسەك، استانادان شىعاتىن ءبىرقاتار جولدىڭ جابىلعانىن حابارلاعان بولاتىنبىز.