استانادا ادام كوپ تىركەلگەن «رەزەڭكە» پاتەرلەر ماسەلەسى شەشىلەدى
«نۇر وتان» پارتياسىنىڭ 18- سەزىندە ەلباسى جاريالاعان تاپسىرمالار مەن باستامالار استانامىزدىڭ الەۋمەتتىك- ساياسي دامۋىنا سەرپىن بەرىپ، ماڭىزدى جوبالاردى ىسكە اسىرۋعا جاڭا قارقىندى مۇمكىندىك جاسايدى. وسى كۇنگە دەيىن ءبىز كومەككە ءزارۋ 3 مىڭنان استام ازاماتتى قابىلدادىق. كوتەرىلگەن ماسەلەلەردى جۇيەلەپ، ەلوردامىزدىڭ الەۋمەتتىك كارتاسىن جاساقتادىق»، - دەيدى ەلوردا اكىمى باقىت سۇلتانوۆ.
ونىڭ ايتۋىنشا، ۇستىمىزدەگى جىلى الەۋمەتتىك سالاعا 150 ميلليارد تەڭگە ءبولىندى. بۇل بيۋدجەت كولەمىنىڭ %35 قۇرايدى. ودان بولەك، جەرگىلىكتى بيۋدجەت ەسەبىنەن مۇقتاج ازاماتتاردى قولداۋ ءۇشىن قوسىمشا 3 ميلليارد تەڭگەدەن استام قاراجات ءبولۋ كوزدەلىپ وتىر.
«تاعى ءبىر ماڭىزدى ماسەلە - ادام كوپ تىركەلگەن پاتەرلەر نەمەسە ورىسشا ايتقاندا «رەزەڭكە» ءۇي پروبلەماسى. ءبىز مەملەكەتتىك تۇرعىن ءۇي قورىنىڭ پاتەرلەرىندە ءبىر ادامعا شاققاندا 15 شارشى مەتردەن ەسەپتەپ، ازاماتتاردىڭ تۇرعىلىقتى جەرى بويىنشا تىركەلۋىن شەكتەۋدى كوزدەيتىن، كوشى-قون پروتسەستەرىن رەتتەيتىن جاڭا جوبا ازىرلەدىك. بۇل شەكتەۋلەر ءماسليحات سەسسياسىنا وسى جىلدىڭ 6 -ناۋرىزىندا ەنگىزىلەدى»، - دەدى ول.
قالا باسشىسىنىڭ مالىمەتىنشە، وسى جىلى تۇرعىن ءۇي قۇرىلىس جيناق جۇيەسى ارقىلى كرەديتتىك تۇرعىن ءۇي سالۋ باعىتى بويىنشا 900 پاتەردى پايدالانۋعا بەرۋ جوسپارى تۇر. سونىمەن قاتار، قالا بيۋدجەتىنەن 2 مىڭ تۇرعىن ءۇي سەرتيفيكاتىن بەرۋ ءۇشىن 2 ميلليارد تەڭگە قاراستىرىلدى. جانە دە «نۇرلى جەر» باعدارلاماسى اياسىندا 731 پاتەر جالعا بەرىلەدى.