قازاقستاندىقتار قۇجاتتاعى قاتەنى ءبىر-اق كۇندە تۇزەتە الادى

None
None
استانا. قازاقپارات - قازاقستاندىقتار قاعاز قۇجاتتارداعى جەكە مالىمەتتەر سايكەسسىزدىگىن ءبىر كۇن ىشىندە تۇزەتە الادى، دەپ حابارلايدى قازاقپارات ءتىلشىسى.

الماتى قالالىق ادىلەت دەپارتامەنتىنىڭ مالىمەتىنشە، قازىرگى ۋاقىتتا «ە- مۇراعات ا ح ا ج» ورتالىق سەرۆەرىندە 50 ميلليوننان استام سكانەرلەنگەن جانە اتريبۋتتالعان اكت جازبالارى بار.

«2018 -جىلدىڭ 1 -ماۋسىمىنان باستاپ 2008 -جىلعا دەيىن تىركەلگەن مۇراعاتتىق اكت جازبالارىنا تۇزەتۋ ەنگىزۋگە مۇمكىندىك بەرۋ ءۇشىن «ا ح ا ج» اقپاراتتىق جۇيەسىن اشۋ جوسپارلانىپ وتىر. وسىعان بايلانىستى، «ا ح ا ج» اقپاراتتىق جۇيەسىمەن ىكپالداستىرىلعان اقپاراتتىق جۇيەلەردە قاتە مالىمەتتەر بولۋى مۇمكىن»، - دەپ اتاپ ءوتتى دەپارتامەنتتەن.

وسى رەتتە ۆەدومستۆو قانداي دا ءبىر قىزمەت الۋ بارىسىندا اقپاراتتىق جۇيەدە سايكەسسىزدىك انىقتالسا، وندا مالىمەتتەردى تۇزەتۋگە باعىتتالعان ارىز بەرۋ ءۇشىن حالىققا قىزمەت كورسەتۋ ورتالىقتارىنا نەمەسە تىركەۋشى ورگانعا نە ءتيىستى ادىلەت دەپارتامەنتتەرىنە جۇگىنۋگە جانە «ەلەكتروندى ۇكىمەت» پورتالى ارقىلى ءوتىنىش بەرۋگە بولاتىنىن اتاپ ءوتتى.

سوڭعى جاڭالىقتار