03:17, 04 - ناۋرىز 2019 | GMT +6
ۋفا قالاسىندا تۇراتىن تاتار قىزى قازاق مۋزىكاسى تۋرالى تانىمال ۆيدەوبلوگ جۇرگىزەدى
قازان. قازاقپارات - ۋفادا تۇراتىن ۇلتى تاتار ۆەرونيكا سانداكوۆا قازاقستاننىڭ زاماناۋي مۋزىكاسىنا ارنالعان YouTube ارناسىن اشتى، دەپ حابارلايدى «قازاقپارات» «تاتار-ينفورمعا» سىلتەمەمەن.
ول قازاق بەينەباياندارى مەن اۋەندەرىنە ءوزىنىڭ العان اسەرىن قوسىپ، جەلىگە سالىپ وتىرادى. سوڭعى جازبا RaiM جانە Artur دۋەتىنىڭ بەينەبايانىنا ارنالعان.
كەيدە سانداكوۆا كورشىلەس ەلگە قاتىستى باسقا دا جازبالار جاسايدى. مىسالى، ءبىر رەت ول قازاقستاندا شىعارىلاتىن تاتتىلەرگە شولۋ جاساپتى.
قازىر Nicole Seynres Official ۆيدەوبلوگىنا 17,5 مىڭ ادام تىركەلگەن.