ناسا زوندى تۇڭعىش رەت مارس توپىراعىن بۇرعىلادى
بۇل تۋرالى گەرمانيانىڭ اۆياتسيا جانە عارىش ورتالىعىنا (DLR) سىلتەمە جاساپ قازاقپارات حابارلايدى.
زوند وپەراتسيانى 28 -اقپاندا جۇرگىزگەن. 4 ساعاتتا ول ءتورت مىڭ سوققى جاساپ، 18-50 سانتيمەترگە تەرەڭدەدى. بولجام بويىنشا بۇرعىلاۋ قوندىرعىسى تاسقا ءتيىپ، 15 گرادۋسقا باعىتىن بۇرعان جانە تاستى ورنىنان قوزعالتىپ جىبەرگەن نەمەسە ونىمەن ەندى جاناسپاعان.
قازىر InSight سالقىنداپ جاتىر، وسىدان سوڭ تاعى دا 4 ساعاتتىق ەكىنشى كەزەڭ باستالادى. بۇرعىلاۋ ماقساتى - 3-5 مەترگە دەيىن ۇڭگىلەۋ. بۇل قىزىل عالامشاردىڭ قويناۋىنان شىعاتىن جىلۋ اعىنىن ەسەپتەۋ ءۇشىن 14 تەمپەراتۋرالىق داتچيگى بار جەلى وتكىزۋگە مۇمكىندىك بەرەدى.
NASA- نىڭ «Mars InSight» زوندى 2018 -جىلدىڭ مامىر ايىندا ىسكە قوسىلعان. قاراشادا ول مارسقا، ەليزي تاۋىنىڭ اۋماعىنا قوندى. سول كەزدە زوند قىزىل عالامشاردىڭ بەتىنەن العاشقى فوتوسۋرەتتى جىبەرگەن بولاتىن. ال جەلتوقساندا جەلدىڭ گۋىلىن جازىپ الدى.