+7 (701) 759 90 19
USD 426.14 EUR 497.05
RUB 6.02 CNY 66.69
جاڭالىقتار

اسقار مامين استانا ماڭىندا تۇراتىن حالىقتىڭ ماسەلەسى قالاي شەشىلىپ جاتقانىن كوردى

3 ناۋرىز 11:02
:ءبولىسۋ
اسقار مامين استانا ماڭىندا تۇراتىن حالىقتىڭ ماسەلەسى قالاي شەشىلىپ جاتقانىن كوردى

استانا. قازاقپارات - مەملەكەت باسشىسىنىڭ تاپسىرماسىمەن قازاقستان رەسپۋبليكاسىنىڭ پرەمەر- ءمينيسترى اسقار مامين استانا قالاسىنا جاقىن ماڭدا ورنالاسقان ەلدىمەكەندەردى ارالادى.

وندا ەلوردانىڭ شەتكەرى ايماقتارىندا تۇراتىن حالىقتىڭ ماسەلەلەرىن شەشۋ بارىسىمەن تانىسىپ، الەۋمەتتىك جانە كولىك ينفراقۇرىلىمىن جاڭعىرتۋ ۇدەرىسىن تەكسەردى، دەپ حابارلايدى قازاقپارات primeminister.kz سايتىنا سىلتەمە جاساپ.

ءبىرقاتار تۇرعىن الابىن ارالاۋ بارىسىندا جەرگىلىكتى اتقارۋشى ورگانداردىڭ مەملەكەت باسشىسىنىڭ العا قويعان مىندەتتەرىن ورىنداۋ - ازاماتتاردىڭ تۇرمىس ساپاسىن جاقسارتۋ بويىنشا قابىلداپ جاتقان شارالارى قارالدى. اتاپ ايتقاندا، تۇرعىن ءۇي ماسەلەلەرىن شەشۋگە، ءبىلىم بەرۋ جانە مەديتسينالىق قىزمەتتەردىڭ ساپاسىنا، الەۋمەتتىك جانە كولىك ينفراقۇرىلىمىن جاقسارتۋعا، ۇزدىكسىز ەلەكترمەن جابدىقتاۋ جانە كوشەلەردى جارىقتاندىرۋ، سونداي- اق سۋمەن جابدىقتاۋ ماسەلەلەرىنە كوڭىل ءبولىندى.

«پريگورودنىي» تۇرعىن ءۇي كەشەنىن تەكسەرۋ بارىسىندا استانا اكىمى ب. سۇلتانوۆ ەلوردانى دامىتۋدىڭ 2023 -جىلعا دەيىنگى كەشەندى جوسپارىن ىسكە اسىرۋ بارىسى تۋرالى باياندادى. قالانىڭ جەكەلەگەن اۋداندارىن ورتالىقپەن بىرىكتىرەتىن، سونداي- اق جولاۋشىلارعا بارار جەرلەرىنە قىسقا ۋاقىت ىشىندە جەتۋگە مۇمكىندىك بەرەتىن جەڭىل رەلستى كولىك جولىن سالۋ ماسەلەلەرى قارالدى. اتالعان اۋماقتاردى قۇلاتۋ بارىسى تۋرالى بايانداي وتىرىپ، بۇل شارالار مۋنيتسيپالدىق تۇرعىن ءۇي قۇرىلىسىنا، سونىڭ ىشىندە كوپ بالالى جانە اسا مۇقتاج وتباسىلاردى باسپانامەن قامتاماسىز ەتۋگە باعىتتالاتىن اۋماقتاردى كەڭەيتۋگە جول اشاتىنى اتالىپ ءوتتى.

تەكسەرۋ جۇمىستارى قابانباي باتىر ورتالىق قالا ماگيسترالىندە جالعاستى، وندا داڭعىلدى كەڭەيتۋ پەرسپەكتيۆالارى تالقىلاندى.

سونىمەن قاتار، ا. مامين استانا قالاسى مەن اقمولا وبلىسىنىڭ شەكاراسىندا تۇراتىن ازاماتتاردىڭ باسپانا جاعدايلارىنىڭ دامۋىمەن تانىستى. «يلينكا» تۇرعىن الابىندا دارىگەر امبۋلاتورياسى مەن №6 مەكتەپ تەكسەرىلدى، پرەمەر- مينيستر وسىلاردىڭ مىسالىندا ەلوردا ماڭىنداعى اۋدانداردىڭ ءبىلىم بەرۋ جانە دەنساۋلىق ساقتاۋ جۇيەلەرىنىڭ ساپاسىمەن تانىستى.



ءوز كەزەگىندە، اقمولا وبلىسىنىڭ اكىمى م. مىرزالين «قاراوتكەل» اۋىلىن استانا قالاسىنىڭ تەڭگەرىمىنە بەرۋ ۇدەرىسى تۋرالى، قوياندى كەنتىن دامىتۋ جانە تسەلينوگراد اۋدانى بويىنشا الەۋمەتتىك- ەكونوميكالىق دامۋدىڭ كەشەندى جوسپارىن ىسكە اسىرۋ جونىندە باياندادى. مۇندا حالىقتى سۋ دەڭگەيىنىڭ كوتەرىلۋىنەن قورعاۋ ماقساتىندا بوگەت سالۋ جانە «يلينكا» كەنتىنەن شىعىس جاققا قاراي ورنالاسقان جەكە تۇرعىن ۇيگە ينجەنەرلىك جەلىلەر جۇرگىزۋ ماسەلەلەرى قارالدى.

ىسكە اسىرىلىپ جاتقان ءىرى جوبالاردىڭ ءبىرى - قالا توڭىرەگىندەگى جول اينالماسىن تۇيىقتايتىن «استانانىڭ وڭتۇستىك- باتىس اينالما جولى» ماگيسترالدى تراسساسىن سالۋ. بۇل قالا ارقىلى ترانزيتپەن وتەتىن، ەلوردانى اينالما جولمەن وتەتىن اۆتوكولىك قۇرالدارىنىڭ اعىنىن باعىتتاۋعا مۇمكىندىك بەرەدى. «قازاۆتوجول» ا ق اقپاراتىنا سايكەس، اينالىپ وتەتىن جول تەگىن اۆتوماگيسترال بولماق.

بۇدان وزگە، «بايقوڭىر» اۋدانىنداعى «ءوندىرىس» الابى، اتاپ ايتقاندا 120 بالا ءبىلىم الاتىن بالاباقشا - №12 باستاۋىش مەكتەپ تەكسەرىلدى. پرەمەر- مينيسترگە ءبىلىم بەرۋ سالاسىنداعى قازىرگى جاعداي تۋرالى باياندالدى. سونىمەن قاتار، جالپى اۋدان ينفراقۇرىلىمىن دامىتۋ، سونىڭ ىشىندە جول- كولىك ينفراقۇرىلىمىن دامىتۋ كەلەشەگى، ءبىرقاتار كوشەنى كەڭەيتۋ جانە ينجەنەرلىك- كوممۋنيكاتسيالىق جەلىلەرمەن قامتاماسىز ەتۋ ماسەلەلەرى تالقىلاندى.

ەلوردانىڭ شەتكەرى ايماقتارىن ارالاپ شىققان سوڭ ا. مامين قوياندى اۋىلىنا اتباسىن بۇردى. ەلدىمەكەندە مەديتسينالىق قىزمەتتەردى ساپالى ۇسىنۋ ماقساتىندا 2500 ادامعا شاقتالعان وتباسىلىق دەنساۋلىق ساقتاۋ ورتالىعى جۇمىس ىستەيدى. سونىمەن قاتار، ءبىلىم بەرۋدىڭ قولجەتىمدىلىگىن ارتتىرۋ ماقساتىندا ورتا مەكتەپ سالىنىپ جاتىر. اتالعان جوبا 1200-گە جۋىق وقۋشىنى بىلىممەن قامتۋعا مۇمكىندىك بەرەدى.



قازاقستان پرەمەر- ءمينيسترى ا. مامين جۇمىس ساپارىنىڭ قورىتىندىسى بويىنشا استانا، اقمولا وبلىستارىنىڭ اكىمدەرىنە جانە ءتيىستى مينيسترلىكتەرگە ءبىرقاتار ناقتى تاپسىرمالار بەردى.


:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات