+7 (701) 759 90 19
USD 426.14 EUR 497.05
RUB 6.02 CNY 66.69
جاڭالىقتار

جانكەنتتە ءۇش ءتۇرلى مادەنيەتتىڭ بولعانىن ايعاقتايتىن بۇيىمدار تابىلدى

2 ناۋرىز 13:50
:ءبولىسۋ
جانكەنتتە ءۇش ءتۇرلى مادەنيەتتىڭ بولعانىن ايعاقتايتىن بۇيىمدار تابىلدى

قىزىلوردا. قازاقپارات - قىزىلوردا وبلىسى قازالى اۋدانىندا ورىن تەپكەن جانكەنت شاھارىندا ءۇش ءتۇرلى مادەنيەتتىڭ بولعانىن ايعاقتايتىن بۇيىمدار تابىلدى.

بۇل تۋرالى گەرمانياداعى تيۋبينگەن ۋنيۆەرسيتەتىنىڭ پروفەسسورى گەنريح حاركە ايتتى، دەپ حابارلايدى قازاقپارات ءتىلشىسى.

قازىرگى تاڭدا جانكەنت قالاشىعىن گەرمانيانىڭ تيۋبينگەن ۋنيۆەرسيتەتىنىڭ پروفەسسورى گەنريح حاركە باستاعان عالىمدار زەرتتەۋدە. وندا عالىمدار ءبىزدىڭ تاريحىمىز ءۇشىن تىڭ دەرەكتەر بولىپ تابىلاتىن كوپتەگەن قۇندىلىقتاردىڭ بەتىن اشۋدا.

«جانكەنت قالاسىنىڭ تاريحى سوناۋ YII عاسىردان باستالادى. تابىلعان جادىگەرلەرگە قاراي وتىرىپ جانكەنتتە بىرنەشە ەتنوستار ءومىر سۇرگەن دەۋگە نەگىز بار. قالادان ءۇش ءتۇرلى مادەنيەتتىڭ بولعانىن ايعاقتايتىن بۇيىمدار تابىلدى. الداعى ۋاقىتتا جانكەنت قالاسىنىڭ سىرتقى جاعى زەرتتەلمەك. جانكەنتتەن كوپتەگەن اڭداردىڭ سۇيەكتەرى تابىلدى»، - دەدى گەرمانيانىڭ تيۋبينگەن ۋنيۆەرسيتەتىنىڭ پروفەسسورى گەنريح حاركە قىزىلوردادا وتكەن «رۋحاني جاڭعىرۋ» باعدارلاماسى اياسىنداعى «سىر ءوڭىرىنىڭ تۇركى حالىقتارىنىڭ تاريحى، مادەنيەتىندەگى الار ورنى» اتتى حالىقارالىق عىلىمي- تەوريالىق كونفەرەنسياسىندا.

اتالعان كونفەرەنسياعا شەتەلدىك جانە وتاندىق تۇركىتانۋشى عالىمدار قاتىستى. ولاردىڭ بارلىعى دەرلىك سىر ءوڭىرىنىڭ تاريحىن، ەجەلگى دۇنيەسىن زەرتتەۋمەن اينالىسىپ كەلەدى.

عىلىمي كونفەرەنسيادا ءسوز العان تۇرىك پروفەسسورى حۋليا كاساپوگلۋ «رۋحاني جاڭعىرۋ» باعدارلاماسى بۇكىل تۇركى حالىقتارىنا ارنالعاندىعىن ايتتى.

«ەلباسى ن. نازاربايەۆ - بۇكىل تۇركى جۇرتىنىڭ كوشباسشىسى. ءبىز دە رۋحاني جاڭعىرىپ جاتىرمىز. اقمەشىت استانا بولعان كەزەڭدە الاش قايراتكەرلەرىنىڭ العاشقى كىتاپتارى وسى جەردە جارىق كورگەن. ءمىرجاقىپ دۋلات ۇلى ىزدەپ كەلگەن، قينالعان شاكىرتتەرىنە جالاقىسىنان قارجى بەرىپ وتىرعان ەكەن. سىر ءوڭىرى - الاش قايراتكەرلەرىنىڭ اتامەكەنى»، - دەدى حۋليا كاساپوگلۋ.

ايتا كەتەيىك، وبلىستىق «رۋحاني جاڭعىرۋ» ورتالىعى كونە تاريحي دەرەكتەردى جيناقتاۋدى باستادى. قازىرگى تاڭدا ورتالىق ماماندارى ءجۇسىپ بالاساعۇننىڭ «قۇتاعدۋ بىلىك» داستانىنىڭ 3 نۇسقاسى، «قورقىت اتا كىتابىنىڭ» ۆاتيكان، درەزدەن نۇسقالارى، قازاق حاندارىنىڭ قولجازبا حاتتارى، قالجان احۋن مەدرەسەسىنەن تابىلعان كونە كىتاپتارىن جيناقتاپ، ولاردى اۋدارۋ جانە تۇسىندىرمە سوزدىگىن جاساۋ جۇمىستارىمەن اينالىسۋدا. الداعى ۋاقىتتا اتالعان ەڭبەكتەردىڭ ەلەكتروندى جانە باسپا تۇرىندەگى جيناعى جارىققا شىعادى.


:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات