ديماش قۇدايبەرگەن «بالالار داۋسى» بايقاۋىندا ءادىلقازىلاردى تاڭقالدىرعان ونەرپازعا ساتتىلىك تىلەدى

None
None
اقتوبە. قازاقپارات - ديماش قۇدايبەرگەن رەسەيدەگى «بالالار داۋسى» بايقاۋىنا قاتىسىپ جاتقان ەرجان ماكسيمگە ساتتىلىك تىلەدى، دەپ حابارلايدى قازاقپارات ءتىلشىسى.

ەرجان ماكسيم باتىس قازاقستاننىڭ تۋماسى. ول وتكەن جىلى اقتوبە قالاسىندا وتكەن «باقىتتى بالا» جوباسىنا قاتىسىپ، باس جۇلدەگە يە بولدى. سول كەزدە ديماش قۇدايبەرگەن 10 جاستاعى ونەرپازدىڭ داۋىسىن جوعارى باعالاپ، ونەردەگى جۇلدىزدار جاندى داۋىستا ءان شىرقاعان بالالاردان ۇلگى الۋى كەرەك دەپ ايتقان بولاتىن. ەرجان ماكسيمنىڭ جەڭىسى كوپ. ول قازاقستانداعى ءتۇرلى جارىستاردا باس جۇلدە الىپ، يتاليا، بەلارۋس ەلىنەن جەڭىسپەن ورالدى. ال ءقازىر ول رەسەيدە ءوتىپ جاتقان «گولوس دەتي» بايقاۋىنا قاتىسىپ جاتىر.

«ەرجانتاي، بالاپان، رەسەيدەگى ونەرىڭە ءتانتى بولدىم. قازاق ەلىنىڭ ونەرگە باي ەكەنىن رەسەيدىڭ قاق ورتاسىندا دالەلدەگەن كىشكەنتاي باتىرىمىزسىڭ. بىلتىر وسىنداي جوبادا دانيەليا قۇلىنشاعىمىز ۋكراينادا ەلىمىزدىڭ مارتەبەسىن كوتەرسە، بيىل داستۇرگە اينالعان جەڭىستى ءۇردىسىمىزدى رەسەيدىڭ تورىندە دەس بەرمەي ابىرويمەن جالعاستىرۋىڭا تىلەكتەسپىن. سەن مىقتىسىڭ! ساعان ءبىرىنشى كەزەكتە جاقسى قاراپايىم ازامات بولىپ ءوسۋىڭدى، سودان كەيىن بارىپ عانا جۇلدىز بولۋىڭدى تىلەيمىن، جانىم. العا، ەرجانتاي»، - دەپ جازدى ديماش قۇدايبەرگەن ءوز الەۋمەتتىك پاراقشاسىنا.

 

سوڭعى جاڭالىقتار