الماتى پوليتسياسى كۇشەيتىلگەن رەجىمگە كوشتى

الماتى. قازاقپارات - الماتىدا جالپى رەسپۋبليكالىق «قۇقىق ءتارتىبى» جەدەل- پروفيلاكتيكالىق شاراسى جۇرگىزىلىپ جاتىر، دەپ حابارلايدى قازاقپارات ح ا ا ءتىلشىسى.

اتالعان ءىس-شارالار 6 -ناۋرىزعا دەيىن جالعاسادى، دەپ ءمالىم ەتتى پوليتسيا دەپارتامەنتىنىڭ باسپا ءسوز قىزمەتىندە.

«وسى كۇندەرى الماتى پوليتسياسى قىزمەتتەرى مەن بولىمشەلەرىنىڭ جەكە قۇرامى كۇشەيتىلگەن رەجىمگە كوشتى.

ايتا كەتەيىك، وتكەن تاۋلىكتە قالادا «ءىزىن سۋىتپاي» 61 قىلمىس جانە بۇرىن ىستەلگەن 18 قىلمىس اشىلدى. ونىڭ ىشىندە توناۋ، بۇزاقىلىق، ەسىرتكى زاتتارىن ساۋدالاۋ، بوتەن ادامنىڭ مۇلكىن ۇرلاۋ، زورلاۋ، الاياقتىق، زاڭسىز قارۋ ساقتاۋ، كولىك ايداپ اكەتۋ بار. سونىمەن قاتار ىزدەۋ جاريالانعان 5 ادام ۇستالدى»، - دەپ اتاپ ءوتتى الماتى پوليتسيا دەپارتامەنتى باستىعىنىڭ ورىنباسارى ءىزباسار بەكتۇروۆ.

بۇدان بولەك، پوليتسيانىڭ حابارلاۋىنشا، قۇقىقبۇزۋشىلىق جاساعانى ءۇشىن 1,4 مىڭ ادام اكىمشىلىك جاۋاپكەرشىلىككە تارتىلعان. ونىڭ ىشىندەگى ەڭ ءجيى كەزدەسەتىندەرى - ۇساق بۇزاقىلىق پەن قوعامدىق جەردە سپيرتتىك ىشىمدىكتەر ءىشۋ.

ايتا كەتۋ كەرەك، ءبىر كۇندە جەكە سەكتوردا 78 زاڭسىز ميگرانت تابىلعان. ونىڭ 24 ى سوت شەشىمىمەن ق ر اۋماعىنان شىعارىلدى. اتقارىلىپ جاتقان كەشەندى جۇمىستاردىڭ بارلىعى ەلىمىزدىڭ ەڭ ءىرى قالاسىنداعى كريمينوگەندىك احۋالدى جاقسارتۋعا مۇمكىندىك بەرەدى، دەپ اتاپ ءوتتى پوليتسيادا.

 

اۆتورى: دانيار داۋتاليەۆ