بالالارعا قانداي سۇراق قويۋعا بولادى؟
ەگەر ءيا دەسەڭىز، ولار دا ەرەسەكتەر سەكىلدى سويلەيتىنىن بايقايسىز.
ولارمەن نە تۋرالى سويلەسۋگە بولادى؟ مىنا سۇراقتاردى قويىپ كورسەڭىز، ءتۇرلى قىزىق جاۋاپ الارىڭىز انىق.
ءوز بالاڭىز بولسا، بەرگەن جاۋابىن جازىپ قويىپ، كەلەسى جىلى تاعى وسى سۇراقتاردى قويىپ، ەكى جىلداعى جاۋاپترىن سالىستىرساڭىز بولادى. بۇل ءتاسىل ارقىلى بالانىڭ قالاي ءوسىپ، ويلاۋ جۇيەسى دامىپ كەلە جاتقانىن انىقتايسىز.
ەڭ سۇيىكتى ويىنىڭ قانداي؟ ونى قالاي وينايدى؟
سەنىڭ ەڭ جاقسى كورەتىن نارسەڭ نە؟
قاي جەردە ءوزىڭدى ەركىن سەزىنەسىڭ؟
ارمانىڭ قانداي؟
كىشكەنتاي بالا بولۋ قيىن با؟
اتا-اناڭدى نە ءۇشىن جاقسى كورەسىڭ؟
سيقىرلى تاياقشاڭ بولسا، نە ىستەر ەدىڭ؟
نە ىستەپ ۇيرەنگىڭ كەلەدى؟
اتا-اناڭنىڭ قانداي ىسىنە رەنجيسىڭ؟
قانداي جاعداي بولسا جىلايسىڭ؟
الەمدەگى ەڭ ءدامدى تاعام قانداي؟
باسقا ادامدارعا قالاي كومەكتەسەر ەدىڭ؟
مەرەكەلەردەن باسقا قانداي كۇنى باقىتتى بولاسىڭ؟
عاجايىپ دەگەن نە؟
جالعىز ءوزىڭ قالعان كەزدە نە ىستەيسىڭ؟
سەن باقىتتى بولۋىڭ ءۇشىن اتا-اناڭ نە ىستەۋى كەرەك؟
ادامدار نەگە اۋىرادى؟
ءبىر جاققا قىدىرعان جاقسى ما الدە ۇيدە بولعان ۇناي ما؟
ءىنىڭ نەمەسە قارىنداسىڭ ء(سىڭلىڭ) بولعانىن قالايسىڭ با؟ نە ءۇشىن؟
ەڭ جاقسى دوس قانداي بولۋى كەرەك؟
ساعان بارىنەن قاي مەرەكە ۇنايدى؟ نە ءۇشىن؟
سەن وياۋ جۇرگەندە ۇيقى قايدا كەتەدى؟
بالالاردى قالاي جازالاۋ كەرەك؟ نە ىستەسە جازالاۋعا بولادى؟
ساعان نە ۇنامايدى؟
مۋلتفيلمدەگى قاي كەيپكەر ۇنايدى؟
قىز بالا مەن ۇل بالانىڭ ايىرماشىلىعى نەدە؟
قىزبەن دوس بولعان ۇناي ما الدە ۇلمەن بە؟
ادامدار كىتاپتى نە ءۇشىن وقيدى؟
جاقسى كوڭىل كۇي جانە ناشار كوڭىل كۇي دەگەن نە؟
الەمدە نە نارسەگە تاڭ قالاسىڭ؟
ادام نە ءۇشىن رەنجيدى؟
نەدەن قورقاسىڭ؟
نە ىستەمەگەنىڭ ءۇشىن وكىنەسىڭ؟
وسكەندە كىم بولعىڭ كەلەدى؟
سەنى قالاي ەركەلەتكەنىن قالايسىڭ؟
وتباسىڭدا بىرنارسە وزگەرتەتىن بولساڭ، نە وزگەرتەر ەدىڭ؟
ال ءسىز بالالارعا قانداي سۇراقتار قوياسىز؟
دەرەككوز: Reactor