الدىمەن ەلگە كەلگەن قانداستارىمىزدىڭ جاعدايىن جاساۋىمىز كەرەك - زاۋىتبەك تۇرىسبەكوۆ

استانا. قازاقپارات - الدىمەن ەلگە كەلگەن باۋىرلارىمىزدىڭ جاعدايىن جوندەسەك دەگەن نيەتپەن جۇمىس جاساپ جاتىرمىز.

بۇل تۋرالى بۇگىن اقپارات جانە قوعامدىق دامۋ مينيسترلىگىنىڭ كەڭەيتىلگەن القا ماجىلىسىندە دۇنيەجۇزى قازاقتارى قاۋىمداستىعى ءتوراعاسىنىڭ ءبىرىنشى ورىنباسارى زاۋىتبەك تۇرىسبەكوۆ ايتتى، دەپ حابارلايدى قازاقپارات ءتىلشىسى.

«قازاقتا «ەلگە ەل قوسىلسا، قۇت» دەگەن ءسوز بار. ەلباسىنىڭ ساياساتىنىڭ ارقاسىندا 27 جىلدا 1 ميلليون باۋىرىمىز ەلگە ورالدى. ولاردىڭ ءبىرازى ءۇيسىز-كۇيسىز، جۇمىسسىز جۇرگەن جاعدايى بار. شەت مەملەكەتتە جۇرگەن قازاقتاردىڭ كوبى وسى جاعدايدىڭ بارلىعىن بىلەدى. سول سەبەپتەن الدىمەن ەلگە كەلگەن باۋىرلارىمىزدىڭ جاعدايىن جوندەسەك دەگەن نيەتپەن ءبىراز جۇمىس جاساپ جاتىرمىز»، - دەدى ز. تۇرىسبەكوۆ.

وسى رەتتە ول وڭتۇستىك قازاقستان وبلىسىنىڭ اكىمى بولىپ تۇرعان كەزدە وزبەكستاننان وڭتۇستىك وڭىرگە 20 مىڭعا جۋىق قانداسىمىز قونىستاندىرىلعانىن ايتتى. ولاردىڭ قازىر جاعداي جاقسى، ءبارى جۇمىسپەن قامتاماسىز ەتىلگەن. وتكەن جىلى ءار ءۇي جىلىجايدان ورتاشا ەسەپپەن 12 مىڭ دوللار تابىس تاپقان. دەگەنمەن، استاناداعى ەكسپو قۇرىلىسىنا كەلگەن 1282 وتباسى ەلوردادا قالۋعا شەشىم قابىلداپ، ءۇي سالۋعا جەر سۇراعان.

«سودان ارشالى اۋدانىنان 200 گەكتار جەردى ساتىپ الدىق. سەبەبى جەر جوق. 2 جىل توڭىرەگىندە قۇجاتتارىن رەتتەدىك. ەندى قازىر ينفراقۇرىلىمىنىڭ جوباسىن دايىنداپ جاتىرمىز. ءبىراق، ارشالى اۋدانىندا وعان 35 ميلليون تەڭگە تابىلماي جاتىر. وسى ماسەلە توڭىرەگىندە جۇمىس ىستەپ جاتىرمىز. 2000 گەكتار جەردە 1282 كوتتەدج بولادى. ال ولاردى جۇمىسپەن قامتۋ ءۇشىن تاعى 300 گەكتار جەر الىپ، وعان جىلىجاي سالامىز. وندا گۇل، كوكونىس ءوسىرىپ، استاناعا جەتكىزۋگە ارەكەتتەنەمىز»، - دەدى ول.