كەلىن بولۋ ادەبى
ءوز شاڭىراعىن كوتەرىپ، ءۇي مەن شارۋاعا يەلىك ەتىپ، ءتۇتىن تۇتەتەدى، انا بولىپ، ومىرگە پەرزەنت اكەلەدى. جار قۇشىپ، انا بولۋ- قىز بالانىڭ ماقتانىشى ءارى باقىتى. بۇعان، اسىرەسە، اكە-شەشەسى قۋانادى.
قالىڭدىق ءۇشىن دە بولاشاق كۇيەۋىنىڭ نەگىزگى قاسيەتتەرىن ءبىلۋى شارت:
- مىنەز- قۇلقى،
- ادەت- داعدىلارى،
- وي ءورىسى مەن مادەنيەتى،
- ءبىلىمى مەن يناباتتىلىق بولمىسى،
- تالابى مەن تالعامى،
- دەنساۋلىعى
- جاقسى، جامان ادەتتەرى (تەمەكى، ىشىمدىك، ەسىرتكىگە زاۋقى) ، الا- بوتەن قىلىقتارى، ت. ب جايىندا ءبىلۋ وتە ماڭىزدى.
كەلىننىڭ بويىندا بولاتىن نەگىزگى ءتيىستى قاسيەتتەر:
- سىپايىلىق
- مەيىرباندىق
- ادالدىق
- سەزىمتالدىق
- ەڭبەكققورلىق
- جاۋاپكەرشىلىك
- اشىق قاباقتىلىق
- ءدامدى تاماق ازىرلەي ءبىلۋ
- وتىرىك ايتپاۋ
- ءوز ەر ازاماتىنا دەگەن قامقورلىعى
- ءوز ەنسىن اناسىنداي قۇرمەتتەۋ كەرەك
كەرەك كەڭەس:
ەنەگە دەگەن قارىم- قاتىناسىڭىزدى تۇزەتكىڭىز كەلسە، ءبىرىنشى وزىڭىزگە دەگەن قارىم- قاتىناستى دۇرىستاۋىڭىز قاجەت. ءسىز ءوزىڭىزدى سىيلاساڭىز وزگەنى دە قۇرمەتتەيسىز!ەنەگە دەگەن قۇرمەتىڭىز بەن، اشىق جۇرەگىڭىزبەن ءاردايىم جىلى سوزدەن باستاپ، سىيلىقتارعا قۇشاعىن تولتىرا ءبىلىڭىز. ەنەسىن جامان كورەتىن قىز- كەلىنشەكتەر ءبىرىنشى ءوز قاتەلەرىن ويلاۋى كەرەك، مۇمكىن مەن دۇرىس ارەكەت جاساماعان بولارمىن دەپ؟ ەشقانداي ەنە ءوز كەلىنىنە جامان بولسىن دەپ ۇرىسپايدى. قاتەنى تۇزەتۋگە تىرىسىڭىز، مۇمكىن ەنەڭىزدە ءوز قاتەسىن تۇسىنەر. ۋاقىتتى كۇتپەڭىزدەر، كىشىپەيىل بولىڭىزدار قىز- كەلىنشەكتەر.
قىزدىڭ، دەمەك، بولاشاق كەلىننىڭ قولىنان ءىس كەلۋى مىندەتتى جاعداي.
« سالاق ايەلدىڭ ۇيىنەن ساباقتى ينە تابىلمايدى»
«ولاق ايەل ويماقشىل»
«جىبەكتى تۇتە بىلمەگەن ءجۇن ەتەدى»
«سالاقتان ولاق جامان»
«انا كورگەن تون پىشەر»
«قىز ەركەم كەستەسىمەن كوركەم»، ت. ب ماقالدار سونى بىلدىرەدى.
قىسقاسى، كەلىننىڭ كەلۋىمەن وتباسىندا ونىڭ اسەرى سەزىلەر بولسىن. كەلىننىڭ قولىنان تاتقان تاماق، ىشكەن شاي باپتى، ءدامدى كورىنسىن. ءۇيدىڭ ءىشى دە بۇرنعىدان گورى ادەمى، ىدىس-اياق تا بۇرىنعىدان گورى تازا، توڭىرەك تە بۇرىنعىدان گورى جيناقى رەتتى بولسىن.
كەلگەن-كەتكەن: «كەلىنى جاقسى ءۇيدىڭ كەرەگەسى التىن، - دەگەن راساۋ» - دەسىن!
دەرەككوز: Reactor