USD 436.29 EUR 492.83
RUB 5.92 CNY 68.48
جاڭالىقتار

پاكىستان ءۇندىستاندىق ۇشقىشتى بوساتۋعا كەلىستى

1 ناۋرىز 12:14
:ءبولىسۋ
پاكىستان ءۇندىستاندىق ۇشقىشتى بوساتۋعا كەلىستى

استانا. قازاقپارات - پاكىستان 1- ناۋرىزدا ءۇندىستان اسكەري-اۋە كۇشتەرىنىڭ ۇشقىشىن بوساتپاق.

ءۇندىستاندىق ۇشقىش بىرنەشە كۇن بۇرىن پاكىستاندىق اسكەريلەر اتىپ تۇسىرگەن ءۇندىستاننىڭ ەكى اسكەري ۇشاعىنىڭ بىرىنەن كاتاپۋلت كومەگىمەن سەكىرىپ ۇلگەرگەننەن كەيىن قاماۋعا الىنعان.

28- اقپاندا پارلامەنتتە سويلەگەن سوزىندە پاكىستان پرەمەر-ءمينيسترى يمران حان ءۇندىستاندىق ۇشقىشتى «بەيبىتشىلىكتى قالايتىنىمىزدىڭ بەلگىسى رەتىندە» بوساتاتىندارىن ايتتى.

27- اقپاندا پاكىستان ءۇندىستان اسكەري اۋە كۇشتەرىنىڭ ەكى ۇشاعىن اتىپ تۇسىرگەنىن حابارلادى. پاكىستان بيلىگى ونى «ەلدىڭ اۋە كەڭىستىگىن بۇزعان ءۇندىستان اسكەري كۇشىنە بەرىلگەن جاۋاپ» دەپ اتاعان.

ءۇندىستان كاشميردە 14- اقپاندا بولعان تەراكتىدەن سوڭ پاكىستان اۋماعىنداعى راديكال يسلامشىلدار لاگەرلەرى دەگەن كۇدىكتى نىساندارعا اۋە شابۋىلىن جاساعان. وسىدان كەيىن كورشى ەلدىڭ اراسىنداعى جاعداي ۋشىعىپ كەتتى. ءۇندىستان ىشكى ىستەر اسكەرىنىڭ 40 ساربازىن مەرت قىلعان كاشميردەگى تەراكتىگە جاۋاپكەرشىلىكتى «دجايش-ە-مۇحامماد» ۇيىمى العان. پاكىستان اۋە شابۋىلى جاسالعان اۋداندا تەررورشىلار لاگەرى جوق دەپ مالىمدەدى.

پاكىستان ءوز اۋە كەڭىستىگى ارقىلى اۋەلى جۇك تاسيتىن ۇشاقتاردىڭ وتۋىنە تىيىم سالدى، كەيىن جولاۋشى ۇشاقتارىنا دا رۇقسات بەرمەي قويدى. تىيىم 1- ناۋرىزعا دەيىن كۇشىندە. ول ەۋروپادان وڭتۇستىك جانە شىعىس ازيا ەلدەرىنە ۇشاتىن جۇزدەگەن رەيسكە كەسىرىن تيگىزدى.

ا ق ش پەن وزگە ەلدەر ءۇندىستان مەن پاكىستاندى ءوزارا كەلىسىمگە كەلۋگە شاقىردى. قازاقستان دا ەكى تاراپتى سابىرلىق تانىتىپ، حالىقارالىق قۇقىق نورمالارىن ساقتاۋعا شاقىرعان.

«ازاتتىق»


#الةم  
:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049

مۇراعات