ترامپ پەن كيم «كونسترۋكتيۆتى ديالوگتى» جالعاستىرۋعا كەلىستى
دەپ حابارلايدى «قازاقپارات» ح ا ا ءتىلشىسى پحەنياننىڭ اقپارات اگەنتتىگىنە سىلتەمە جاساپ.
Yonhap اگەنتتىگىنىڭ حابارلاۋىنشا، حانويداعى كەلىسسوزدەر ترامپ جانە كيمنىڭ جازباشا كەلىسىمىنە قول قويۋسىز اياقتالعان سوڭ، ەرتەڭىنە وسىنداي اقپارات تاراتىلعان.
«تاراپتار كورەي تۇبەگىن يادرو قارۋىنان بوساتۋ جانە ك ح د ر جانە ا ق ش اراسىنداعى قارىم- قاتىناستاردى الداعى ۋاقىتتا دامىتۋ، سونداي- اق حانويداعى سامميتتە تالقىلانعان ماسەلەلەردى رەتتەۋ ءۇشىن كونسترۋكتيۆتى ديالوگتى جالعاستىرۋ ماسەلەلەرىندە ءبىر- بىرىمەن بايلانىس ورناتۋعا كەلىستى»، - دەلىنگەن حابارلامادا.
سولتۇستىك كورەيا باسشىسى ترامپقا تابىستى كەزدەسۋلەر مەن كەلىسسوزدەردى وتكىزۋگە كۇش سالاتىنىن ايتىپ، «كەلەسى كەزدەسۋدى وتكىزۋگە» ۋادەسىن بەرگەن.
ەكى كۇنگە سوزىلعان كەلىسسوزدەردەن كەيىن ا ق ش پرەزيدەنتى پحەنيان تاراپى ۆاشينگتوننان سانكسيالاردى «تولىعىمەن» جويۋدى تالاپ ەتكەنىن، بۇل تالاپتى قابىلداي المايتىنىن جەتكىزدى.
سولتۇستىك كورەيا بيلىگى ارتىنشا بۇل مالىمدەمەنى جوققا شىعارىپ، سانكسيالاردى ءىشىنارا جەڭىلدەتۋدى، ونىڭ ەسەسىنە يونبيەندەگى نەگىزگى يادرو كەشەنىن بۇزاتىنىن ۇسىنعانىن حابارلادى.
اۆتورى: تاتيانا كۋدرەنوك