قازاقستاندىقتار لوندوننىڭ قىمبات تۇرعىن ءۇي كەشەنىنەن پاتەر الۋدى سانگە اينالدىرعان
«لوندون دوم» جىلجىمايتىن مۇلىك ساتۋمەن اينالىساتىن كومپانيانىڭ وكىلى وسىنداي اقپاراتپەن ءبولىستى دەپ حابارلايدى Astana ارناسى.
كومپانيا وكىلدەرى وتكەن جىلى لوندوندا جىلجىمايتىن مۇلىك العان باي-باعلانداردىڭ ەسىمدەرىن اتاۋدان باس تارتقان.
دەگەنمەن وتاندىق كاسىپكەرلەر ەليتالىق ۇيلەردى وتباسىلارى مەن ۇلى بريتانيا استاناسىندا ءبىلىم الىپ جۇرگەن بالالارىنا ساتىپ الاتىن كورىنەدى. اتالعان تۇرعىن ءۇي كەشەنى ۇلى بريتانيا پارلامەنتى، بۋكينگەم سارايى مەن پاتشا ساياباعى سىندا ماڭىزدى عيماراتتارعا جاقىن ورنالاسقان ەكەن.
«لوندون دوم» كومپانياسىنىڭ وكىلى دەنيس كلەمچۋكتىڭ سوزىنشە، قازاقستاندىق اۋقاتتىلار ءبىر نەمەسە ءتورت جاتىن بولمەسى بار ورتا پاتەرلەرگە تاڭداۋ جاسايدى. ونداي ۇيلەدىڭ باعاسى ءبىر ميلليوننان باستاپ 44 ميلليون فۋنت ستەرلينگكە دەيىن جەتەدى ەكەن.
«جۋىردا لوندونداعى تاريحي عيماراتتاردىڭ ءبىرىن تۇرعىن ۇيگە اينالدىرعان قۇرىلىس كومپانياسىمەن جۇمىس باستادىق. وتكەن اپتادا ونى ساۋداعا شىعاردىق. قازىر استانا مەن الماتى قالالارىندا ساتىپ الۋشىلارمەن كەلىسسوزدەر جۇرگىزىپ جاتىرمىز. بيىل دا پاتەرلەردىڭ ون پايىزىن وتانداستار ساتىپ الادى دەگەن بولجام بار»، - دەدى دەنيس كلەمچۋك.
ريەلتورلىق كومپانيا قازاقستاندىق اۋقاتتىلارعا 85 پاتەردىڭ جوباسىن الىپ كەلىپتى. ودان تىس قالتاعا قاتتى سالماق سالمايتىن ارزانداۋ پاتەرلەر دە تانىستىرىلادى ەكەن.