ەلباسى قازاقستاندىقتاردى العىس ايتۋ كۇنىمەن قۇتتىقتادى
قۇرمەتتى وتانداستار!
بارشاڭىزدى العىس ايتۋ كۇنىمەن شىن جۇرەكتەن قۇتتىقتايمىن!
بۇل مەرەكە قيىن- قىستاۋ جىلدارى قازاق حالقىنىڭ كورسەتكەن قامقورلىعى مەن مەيىرىمدىلىگىنىڭ ۇمىتىلمايتىنىن بىلدىرەدى.
العىس ايتۋ كۇنى - ورتاق تاريحىمىزعا كورسەتىلگەن قۇرمەتتىڭ، بۇكىل قازاقستاندىقتاردىڭ ءوز شاڭىراعىنا اينالعان كيەلى قازاق جەرىنە دەگەن ريزاشىلىقتىڭ بەلگىسى.
تاۋەلسىزدىك جىلدارىندا قازاقستان حالقىنىڭ بىرلىگىن نىعايتا وتىرىپ، تاتۋلىق پەن كەلىسىمنىڭ بىرەگەي ۇلگىسىن قالىپتاستىردىق.
قازىرگى تاڭدا ءبىز اۋقىمدى جاڭعىرتۋ باعدارلاماسىن جۇزەگە اسىرىپ، حالىقتىڭ ءال- اۋقاتىن ارتتىرۋ ءۇشىن كەشەندى شارالاردى قولعا الدىق.
ىنتىماقتاستىق پەن ءوزارا كومەك سياقتى بەرىك قۇندىلىقتار بىرىكتىرۋشى كۇشكە اينالىپ، ەلىمىزدىڭ بولاشاعىنا دەگەن نىق سەنىم مەن جاۋاپكەرشىلىك سەزىمىن قالىپتاستىرادى.
قازاقستاندىقتاردىڭ قازىرگى بۋىنى، اسىرەسە جاستار، تاريحىمىزدى ءبىلىپ، ەستە ساقتاۋى كەرەك. تاريح تاعىلىمى شىنايى پاتريوتيزم مەن بىرلىكتىڭ ۇلگىسىن كورسەتەدى.
ءارقايسىمىزدىڭ جۇرەگىمىزدە ورتاق جەتىستىگىمىزگە - وركەندەپ كەلە جاتقان قازاقستانعا دەگەن ماقتانىش پەن ريزاشىلىق سەزىمى ۇيالاي بەرسىن!
ءار وتباسىعا باق- بەرەكە، ەلىمىزگە تاتۋلىق پەن تىنىشتىق تىلەيمىن!»، - دەلىنگەن قۇتتىقتاۋدا.